நீண்ட இடைவேளைக்குப் பிறகு நடைபெறும் கடற்துறை மாநாடு

கொவிட்-19 கொள்­ளை­நோய்ப் பர­வல் தொடங்­கிய பிறகு முதன்­மு­றை­யாக பெரிய அள­வி­லான கடற்­துறை மாநாடு ஒன்று சிங்­கப்­பூ­ரில் நடை­பெ­று­கிறது. மரீனா பே சேண்ட்ஸ் மாநாட்டு நிலை­யத்­தில் நேற்­றி­லி­ருந்து நடை­பெற்று வரும் இந்­நி­கழ்ச்­சி­யில் சுமார் 27 நாடு­க­ளை­யும் வட்­டாரங்­க­ளை­யும் சேர்ந்த பொருள்­களும் இயந்­தி­ரங்­களும் காட்­சிக்கு வைக்­கப்­பட்­டுள்­ளன.

17வது முறை­யாக நடை­பெறும் 'ஏபி­எம்' எனப்­படும் ஆசிய பசி­பிக் கடற்­துறை மாநாடு, இவ்­வாண்டு சிங்­கப்­பூரில் நேரடி பங்­கேற்­பா­ளர்­களுடன் நடை­பெ­றும் அனைத்­து­லக அள­வி­லான இரண்­டா­வது நிகழ்ச்சி. மற்­றொன்று சென்ற மாதம் நடை­பெற்ற சிங்­கப்­பூர் விமா­னக் காட்சி.

நேற்றுத் தொடங்­கிய இந்­நிகழ்ச்சி மூன்று நாள்­க­ளுக்கு நடை­பெ­றும்.

சரக்­குக் கப்­பல்கள், கடற்­துறை இணை­யப் பாது­காப்பு, கடற்­துறை தொழில்­நுட்­பம் உள்­ளிட்ட அம்­சங்­களில் இந்­நி­கழ்ச்சி கவ­னம் செலுத்­தும்.

கடற்துறையில் எடுக்கவேண்டிய அடுத்தக் கட்ட நடவடிக்கைகளைப் பற்றி ஆலோசிக்க வகைசெய்வது நிகழ்ச்சியின் நோக்கம்.

ஆசிய பசி­பிக் கடற்­துறை மாநாடு இதற்கு முன் கடைசியாக 2018ஆம் ஆண்டு நடை­பெற்­றது. அதில் இடம்­பெற்ற பங்­கேற்­பா­ளர்­களின் எண்­ணிக்கை இவ்­வாண்டு நிகழ்ச்சி­யில் கலந்­து­கொள்­வோ­ரில் கிட்­டத்­தட்ட இரு மடங்கு.