வேலை மோசடிச் சம்பவங்களின் தொடர்பில் எட்டுப் பேர் கைது

இரண்டு வேலை மோசடிச் சம்­ப­வங்­க­ளின் தொடர்­பில் எட்டுப் பேர் கைது­செய்­யப்­பட்­டுள்­ள­னர். அந்­தச் சம்­ப­வங்­கள், 'பொன்சை' பாணி மோச­டிச் சம்­ப­வங்­க­ளைப் போல் இருந்­த­தா­கத் தெரி­விக்­கப்­பட்­டது.

'பொன்சை' மோச­டி­யில் முத­லில் ஏமாற்­றப்­ப­டு­வர்­க­ளுக்­குப் பணம் தரப்­படும் என்று ஏமாற்றுக்­கா­ரர்­கள் கூறு­வர்.

அதற்­குப் பிறகு மோச­டி­யில் சிக்­கு­வோ­ரி­ட­மி­ருந்து பறிக்­கப்­பட்ட பணத்­தி­லி­ருந்து ஏற்­கெ­னவே ஏமாற்­றப்­பட்­ட­வர்­களுக்குத் தொகை வழங்­கப்­படும்.

இந்தப் பாணியில் வேலை வழங்குவதாக நம்பிக்கை தந்து பணம் பறிக்கப்பட்டது.

'இ-கொமர்ஸ் அஃபிலி­யேட் பிஸ்­னஸ்' எனும் தளத்­தைப் பயன்படுத்தி ஒரு மோச­டிச் செயல் மேற்­கொள்­ளப்­பட்­டது. இதன் தொடர்­பில் 18லிருந்து 26 வயதுக்கு உள்­பட்ட ஐந்து ஆண்­க­ளைக் கைது­செய்­த­தா­கக் காவல்­து­றை­யி­னர் கூறி­னர்.

தங்­க­ளின் சிங்­பாஸ் விவ­ரங்­க­ளைப் பிற­ருக்­குத் தெரி­யப்­ப­டுத்­தி­யா­கக் கைதான ஐவ­ரில் நால்­வர் மீது இன்று குற்­றச்­சாட்டு சுமத்­தப்­படும். மோச­டிச் செயல்­க­ளின் மூலம் ஈட்­டப்­பட்ட தொகையை நல்­ல பண­மாக்க சம்­பந்­தப்­பட்ட சிங்­பாஸ் விவ­ரங்­க­ளைக் கொண்டு வர்த்­த­கங்­க­ளுக்­கான வங்­கிக் கணக்­கு­கள் திறக்­கப்­பட்­ட­தா­கச் சொல்­லப்­ப­டு­கிறது.

மற்­றொரு சம்­ப­வத்­தின் தொடர்­பில் 26லிருந்து 30 வய­துக்கு உள்­பட்ட மூன்று ஆண்­க­ளைக் காவல்­துறை கைது­செய்­தது.

போலி­யான ஒரு நிறு­வ­னத்­தின் மூலம் வேலை வழங்கப்படும் வாய்ப்பிருப்பதாக நம்பிக்கை தந்து நிகழ்த்­தப்­பட்ட ஒரு மோச­டிச் செய­லு­டன் இவர்­க­ளுக்­குத் தொடர்­பிருப்­பதாகச் சந்­தே­கிக்­கப்­ப­டு­கிறது.

இவ்­விரு சம்­ப­வங்­க­ளின் தொடர்­பி­லும் குற்­றங்­கள் நிரூ­பிக்­கப்­பட்­டால் குற்­ற­வா­ளி­க­ளுக்கு 10லிருந்து 20 ஆண்­டு­கள் வரை­யி­லான சிறைத் தண்­டனை, அப­ரா­தம் அல்­லது இரண்­டும் விதிக்­கப்­ப­ட­லாம்.