ஹோட்டல்களுக்கு புதிய இலக்கு

கரிம வெளியேற்றத்தை 2050க்குள் முற்றிலும் ஒழிக்க திட்டம்

2050ஆம் ஆண்­டுக்­குள் கரிம வெளி­யேற்­றத்தை முற்­றி­லும் ஒழிக்க சிங்கப்பூர் ஹோட்டல்களுக்கு இலக்கு நிர்­ண­யிக்­கப்­பட்டு ­உள்­ளது.

இந்த இலக்கை அடைய பசு­மை சார்ந்த பல்­வேறு நட­வ­டிக்­கை­களை எடுக்க வேண்­டும் என இங்­குள்ள ஹோட்­டல்­க­ள் வலி­யுறுத்­தப்­பட்­டுள்­ளன.

சூரிய சக்தி தக­டு­க­ளைப் பொருத்­து­வது, உண­வுக் கழி­வு­களை மறு­சு­ழற்சி செய்­வது, தண்­ணீ­ரைச் சேமிப்பது போன்­றவை அவற்­றில் சில.

அடுத்த ஆண்­டி­லி­ருந்து கரிம வெளி­யேற்­றத்­தின் அளவை ஹோட்­டல்­கள் அணுக்­க­மா­கக் கண்­கா­ணித்து வர வேண்­டும். 2030ஆம் ஆண்­டுக்­குள் கரிம வெளி­யேற்றத்தைக் குறைக்க வேண்­டும்.

இந்த இலக்­கு­கள் நேற்று வெளி­யி­டப்­பட்ட ஹோட்­டல்­க­ளுக்­கான நீடித்த நிலைத்­தன்­மை­மிக்க வழி­காட்­டி­யில் தெரி­விக்­கப்­பட்­டுள்­ளது.

சிங்­கப்­பூர் ஹோட்­டல்­கள் சங்­க­மும் சிங்­கப்­பூர் பய­ணத்­து­றைக் கழ­க­மும் இணைந்து வழி­காட்­டியை உரு­வாக்­கி­யுள்­ளன.

ஹோட்­டல்­க­ளின் கரிம வெளி­யேற்­றத்தை முற்­றி­லும் குறைக்க உத­வும் புதிய வழி­காட்டி உல­கி­லேயே முதன்­மை­யா­னது என நம்பப்­ ப­டு­கிறது.

மரினா பே சேண்ட்ஸ் கண்­காட்சி, மாநாட்டு நிலை­யத்­தில் நேற்று நடை­பெற்ற ஹோட்­டல்­ களுக்­கான நீடித்த நிலைத்­தன்மை மாநாட்­டில் பேசிய வர்த்­தக தொழில் துணை அமைச்­சர் எல்­வின் டான், ஹோட்­டல்­க­ளுக்­கான உத்­தி­களை வழி­காட்டி வழங்­கு­வ­தா­கக் குறிப்­பிட்­டார்.

பசுமை சார்ந்த ஹோட்­டல் எப்­படி­யி­ருக்க வேண்­டும் என்­பதற்கு அவர் விளக்கம் அளித்தார்.

"நீடித்த பொருள்­களை பயன் படுத்த வேண்­டும், வளங்­களை இயன்ற அளவு முழு­மை­யா­கப் பயன்­ப­டுத்த விவே­க­மான தானி யக்­கத் தீர்­வு­க­ளைக் கொண்­டி­ருக்க வேண்­டும்.

ஹோட்­டல்­க­ளுக்கு வரும் பய­ணி­களை சுற்­றுச்­சூ­ழ­லில் அக்­க­றை­செ­லுத்த ஊக்­கு­விக்க வேண்­டும்," என்று அவர் தெரி­வித்­ தார்.

"இவை முடி­யாத யோசனை களைக் கொண்ட கனவு அல்ல. சிங்­கப்­பூ­ரில் உள்ள அனைத்து ஹோட்­டல்­களும் இதைச் செய்ய முடி­யும்," என்று மேலும் அவர் தெரி­வித்­தார்.

வரும் 2025ஆம் ஆண்­டுக்­குள் 60 விழுக்­காடு ஹோட்­டல் அறை­கள் அனைத்­து­லக அள­வில் அங்­கீ­கா­ரம் பெற்ற நீடித்த நிலைத்­தன்­மைக்­கான சான்­றி­த­ழைப் பெற வேண்­டும் என்­றும் வழி­காட்­டி­யில் இலக்கு வைக்­கப்­பட்­டுள்­ளது.

ஹோட்­டல்­க­ளின் நீடித்த நிலைத்­தன்­மை­மிக்க முயற்­சி­கள் வெற்றி பெறு­வதை உறு­திப்­ப­டுத்த நான்கு முக்­கிய அம்­சங்­களில் கவ­னம் செலுத்த வேண்­டும் என வழி­காட்டி கூறு­கிறது.

நீரைச் சேமிப்­பது, கழி­வு­களை சிறந்த வகை­யில் நிர்­வ­கிப்­பது, மறு­சு­ழற்சி மற்­றும் கழி­வு­களை உற்­பத்­திக்­கான வளங்­க­ளாக மாற்­றும் சுழற்சி முறை­யி­லான பொரு­ளி­யல் அணு­கு­முறை ஆகி­யவை நான்கு அம்­சங்­கள்.