முதலாளியைத் தாக்கி கொள்ளையடித்த மியன்மார் பணிப்பெண்ணுக்குச் சிறைத் தண்டனை

தமது முத­லா­ளி­யைத் தாக்கி அவ­ரி­ட­மி­ருந்து $37,000க்கும் மேற்­பட்ட ரொக்­கம், பொருள்கள் ஆகி­ய­வற்­றைக் கொள்­ளை­ய­டித்த மியன்­மார் பணிப்­பெண்­ணுக்கு ஆறு ஆண்­டு­கள், ஆறு மாதச் சிறைத் தண்­டனை விதிக்­கப்­பட்­டது. பணம், பொருள்­க­ளைக் கொள்­ளை­ய­டித்­தது மட்­டு­மல்­லாது, மடிக்­க­ணினி உடை­யும் வரை 61 வயது முத­லா­ளி­யின் தலை­யில் தொடர்ந்து பல­முறை அவர் அடித்­தார். காமன்­வெல்த் வட்­டா­ரத்­தில் உள்ள வீட்­டில் இந்­தச் சம்­ப­வம் நிகழ்ந்­தது.

கைக்­குக் கிடைத்ததை எல்­லாம் சுருட்­டிக்­கொண்டு அங்­கி­ருந்து தப்­பிய அந்­தப் பணிப்­பெண் மியன்­மார் திரும்ப விமா­னப் பய­ணச்­சீட்டை வாங்­கி­னார். ஆனால் விமா­னத்­துக்­குள் செல்­வ­தற்கு முன்பு அவர் கைது செய்­யப்­பட்­டார்.

கொள்­ளை­ய­டித்­தது மட்­டு­மல்­லா­மல் வேண்­டு­மென்றே காயம் ஏற்­ப­டுத்­திய குற்­றத்தையும் அவர் ஒப்­புக்­கொண்­டார்.

பாதிக்­கப்­பட்ட முத­லா­ளி­யின் அடை­யா­ளத்­தைக் காக்க பணிப்­பெண்­ணின் பெயரை வெளி­யி­டக்­கூ­டாது என்று நீதி­மன்­றம் உத்­த­ர­விட்­டுள்­ளது.

2020ஆம் ஆண்டு ஜன­வரி மாதம் 17ஆம் தேதி­யன்று காலை 10.30 மணி அள­வில் அந்­தப் பணிப்­பெண்­ணின் முத­லாளி தமது படுக்கை அறை­யில் தூங்­கிக்­கொண்­டி­ருந்­த­தாக நீதி­மன்­றத்­தில் தெரி­விக்­கப்­பட்­டது.

அப்­போது தமது கழுத்­தில் கூர்­மை­யான கருவி ஒன்று அழுத்­தப்­பட்டதை உணர்ந்­த­தாக அவர் தெரி­வித்­தார்.

கண் விழித்­திப் பார்த்­த­போது அந்­தப் பணிப்­பெண் கையில் கத்தி­ யு­டன் பணம் கேட்டு தம்மை

மிரட்­டி­ய­தா­கக் கூறி­னார்.

அதை­ய­டுத்து இரு­வ­ருக்­கும் இடையே மோதல் ஏற்­பட்­டது. அதில் பணிப்­பெண்­ணின் முத­லா­ளி­யின் கைகளில் காயம் ஏற்­பட்­டது. மடிக்­

க­ணி­னி­யைப் பயன்­ப­டுத்தி

முத­லா­ளி­யின் தலை­யில் பணிப்­பெண் பல­முறை அடித்­தார். உயி­ருக்­குப் பயந்து பணம், நகை இருக்­கும் இடத்­தைப் பணிப்­பெண்­ணிடம் அந்த மாது தெரி­வித்­தார்.

அல­மா­ரி­யில் இருந்த விலை உயர்ந்த பொருள்களை எடுத்த பிறகு முத­லா­ளி­யின் விர­லில் இருந்த வைர மோதி­ரத்­தை­யும் கழுத்­தில் இருந்த சங்­கி­லி­யை­யும் பணிப்­பெண் அகற்­றி­னார்.

விமான நிலை­யத்­துக்கு எப்­படி செல்­வது என்று அந்த பணிப்­பெண் கேட்­ட­போது எம்­ஆர்டி ரயில் மூலம் செல்­ல­லாம் என்று அந்த மாது தெரி­வித்­தார். முத­லா­ளியை கட்­டிப்­போட்­டு­விட்டு அங்­கி­ருந்த அப்­

ப­ணிப்­பெண் தப்­பி­னார்.

அங்­கி­ருந்து சிட்டி ஹால் வட்­டா­ரத்­துக்­குச் சென்று விமா­னப் பய­ணச்­சீட்டை வாங்­கி­னார். அங்­கி­ருந்து சாங்கி விமான நிலை­யத்­துக்கு டாக்­சி­யில் செல்ல முத­லா­ளி­யின் கடன் அட்­டையை அவர் பயன்­ப­டுத்­தி­னார்.

இதற்­கி­டையே கட்­டு­களை அவிழ்த்து வர­வேற்பு அறைக்­குத் தவழ்ந்­துச் சென்று காவல்­து­றை­யி­னரை தொலை­பேசி மூலம் அழைத்து விவ­ரத்­தைச் சொன்­னார் பணிப்­பெண்­ணின் முத­லாளி.

இதை­ய­டுத்து விமான நிலை­யத்­தில் அப்­ப­ணிப்­பெண் கைது செய்­யப்­பட்­டார்.