கிரேத்தா ஆயரின் சிறப்பை எடுத்துச் சொல்லும் சுற்றுலாக்கள்

கிரேத்தா ஆயர் பகு­தி­யைப் பல்­வேறு சீனக் கிளை மொழிகளில் விளக்கி காண்­பிப்­ப­தற்கு வகை­செய்­யும் திட்­டம் ஒன்று அறி­மு­கப்­ப­டுத்­தப்­பட்­டுள்­ளது.

'டிஸ்­கவர் துரூ டய­லெக்ட்ஸ்: கிரேத்தா ஆயர் ஹெரிட்­டேஜ் டுவர்ஸ்' எனும் அத்­திட்­டத்­தின்­கீழ் மாதந்­தோ­றும் கடைசி சனிக்­கி­ழ­மை­யன்று பல சீனக் கிளை மொழி விளக்கங்களுடன் கிரேத்தா ஆயர் சுற்­றிக் காட்­டப்­படும். இந்த மாதம் முதல் இவ்­வாண்டு டிசம்­பர் மாதம் வரை இந்த ஏற்­பாடு நடப்­பில் இருக்­கும்.

ஒவ்­வொரு சுற்­று­லா­வும் ஒன்­றரை மணி­நே­ரம் நீடிக்­கும். கென்­ட­னீஸ், தியோச்­சியூ, ஹாக்­கி­யேன் ஆகிய மொழி­களில் சுற்­று­லாக்­கள் நடத்­தப்­படும்.

மாதந்­தோ­றும் கடைசி சனிக்­கி­ழ­மை­களில் இடம்­பெ­றும் ஒவ்­வொரு சுற்­று­லா­வும் இந்த மூன்று மொழி­களில் ஒன்­றில் நடத்­தப்­படும்.

ஏற்­கெ­னவே கிரேத்தா ஆய­ருக்­கான சுற்­று­லாக்­கள் ஆங்­கிலம், மாண்­ட­ரின் மொழி­களில் நடத்­தப்­பட்டு வரு­கின்­றன. அவற்­று­டன் புதிய சுற்­று­லாக்­களும் சேர்க்­கப்­படும் என்று தேசிய மர­பு­டைமை வாரி­யத்­தின் கொள்கை, சமூ­கப் பிரி­வின் துணைத் தலைமை நிர்­வாகி அல்­வின் டான் கூறி­னார்.

இத்­திட்­டம், மூத்த குடி­மக்­க­ளைக் கருத்­தில்­கொண்டு உரு­வாக்­கப்­பட்­டது என்று திரு டான் குறிப்­பிட்­டார். https://nhb-eco.peatix.com/ எனும் இணை­யத்­த­ளத்­தில் கிரேத்தா ஆயர் சுற்­று­லாக்­க­ளுக்­குப் பதி­வு­செய்­து­கொள்­ள­லாம்.

ஒரு நுழை­வுச்­சீட்­டின் விலை ஐந்து வெள்ளி.