மாணவர் முரசு
இ-பேப்பர்
பீச் ரோட்டில் இருக்கும் கோல்டன் மைல் காம்ப்ளக்ஸ் சென்ற ஆண்டு ஒட்டுமொத்த விற்பனைக்கு வந்தது. தொடக்கவிலை $800 மில்லியன் என்று நிர்ணயிக்கப்பட்டு இருந்தது.
அந்தக் கட்டடத்தை அப்படியே $700 மில்லியனுக்கு வாங்கிக் கொள்ளத் தயார் என்று ஃபார் ஈஸ்ட் ஆர்கனைசேஷன், பெரினியல் ஹோல்டிங்ஸ் நிறுவனங்கள் சேர்ந்த ஒரு கூட்டு நிறுவனம் முன்வந்து இருக்கிறது.
இதற்கான நிபந்தனையுடன் கூடிய உடன்பாட்டில் ஒட்டுமொத்த விற்பனைக்குழு ஈடுபட்டு இருக்கிறது.
கோல்டன் மைல் காம்ப்ளக்ஸ் உரிமையாளர்களுக்கு அனுப்பப்பட்ட மார்ச் 28 தேதியிடப்பட்ட ஒரு கடிதம் மூலம் இது தெரியவருவதாக ஸ்ட்ரெய்ட்ஸ் டைம்ஸ் குறிப்பிட்டு உள்ளது.
அந்தக் கட்டடத்தில் உள்ள 718 பட்டா உரிமையாளர்களுக்காக ஏப்ரல் 7ஆம் தேதி சந்தை முகவர் எட்மண்ட் டையுடன் கூட்டம் ஒன்றுக்கு ஏற்பாடு செய்யப்பட்டு இருக்கிறது. அதில் கலந்துகொள்ளாதவர்கள் ஏப்ரல் 9ஆம் தேதி நடக்கும் வேறு ஒரு கூட்டத்தில் கலந்துகொள்ளலாம்.