கூடுதல் அம்சங்களில் ஒத்துழைக்க பேச்சுவார்த்தை

சிங்­கப்­பூ­ருக்­கும் அமெ­ரிக்­கா­வுக்­கும் இடையே நீண்­ட­கா­ல­மாக இருந்து வரும் வலு­வான பங்­காளித்­து­வத்­தைப் பிர­த­மர் லீ சியன் லூங்­கும் அமெ­ரிக்க துணை அதி­பர் கமலா ஹேரி­ஸும் மறு­வு­று­திப்­படுத்­திக்­கொண்­டுள்­ள­னர். மேலும், கூடு­தல் அம்­சங்­களில் இரு நாடு­களும் ஒத்­து­ழைப்­பது குறித்­தும் அவர்­கள் பேச்­சு­வார்த்தை நடத்தினர்.

பிர­த­மர் லீ அமெ­ரிக்­கா­வுக்கு அதி­கா­ரத்­து­வப் பய­ணம் மேற்­கொண்­டுள்­ளார். நாளை மறுதினம் வரை நீடிக்கும் இப்பயணத்தின் ஓர் அங்­க­மாக அவர் திரு­வாட்டி கம­லாவை நேற்று சந்­தித்­தார்.

சிங்­கப்­பூ­ருக்­கும் அமெ­ரிக்­கா­வுக்­கும் இடையே இருந்­து­ வ­ரும் பொரு­ளி­யல், தற்­காப்பு ரீதி­யான தொடர்­பு­க­ளைப் பற்­றி திரு­வாட்டி கமலா பெரு­மை­யா­கப் பேசி­னார்.

சென்ற ஆண்டு ஆகஸ்ட் மாதம் திருவாட்டி கமலா சிங்­கப்­பூர் உட்­பட இந்த வட்­டார நாடு­க­ளுக்கு அதி­கா­ரத்­து­வப் பய­ணம் மேற்­கொண்­டி­ருந்­தார். அப்போது சிங்­கப்­பூ­ருக்கு வருகை தந்­த­போது அவர் இணை­யப் பாது­காப்பு உள்­ளிட்ட அம்­சங்­களில் ஒத்­து­ழைப்­பது குறித்து அறி­வித்­தி­ருந்தார். அவை குறித்தும் இருவரும் கலந்துபேசினர்.

அமெ­ரிக்­கா­வின் தலை­மை­யில் விண்­வெளி ஆய்­வுக்­கான 'அர்ட்­டெ­மிஸ் அக்­கோர்ட்ஸ்' எனும் அனைத்­து­லக அள­வி­லான ஒப்­பந்­தத்­தில் கடந்த திங்­கட்­கி­ழ­மை­யன்று சிங்­கப்­பூர் கையெ­ழுத்­திட்­டது. வெள்ளை மா­ளி­கை­யின் தேசிய விண்­வெளி மன்­றத்­திற்­குத் தலை­வரான திரு­வாட்டி கமலா அதைத் தெரி­வித்­தார். சிங்கப்பூர், இந்த ஒப்பந்தத்தில் இடம்பெறும் முதல் தென்கிழக்காசிய நாடு.

ஆண்­டு­தோ­றும் நடை­பெ­ற­வுள்ள அமெ­ரிக்க-சிங்­கப்­பூர் இணை­யப் பாது­காப்பு கலந்­து­ரை­யா­ட­லை­யும் இரு நாடு­களும் தொடங்­கி­வைத்­தன. உள்­கட்­ட­மைப்பை மேம்­படுத்து­வ­தன் தொடர்­பில் ஒத்­துழைப்பை விரி­வு­ப­டுத்­து­வ­தற்­கான ஒப்­பந்­தம் குறித்­தும் அறி­விக்­கப்­பட்­டது.

கிட்­டத்­தட்ட 80 ஆண்­டு­க­ளாக ஆசிய பசி­பிக் வட்­டா­ரத்­தில் அமெ­ரிக்கா ஆக்­க­பூர்­வ­மான வகை­யில் முக்­கி­யப் பங்காற்றி வருவதாகத் திரு லீ குறிப்­பிட்­டார்.

மேலும், தனது பேச்­சா­லும் செயல்­க­ளா­லும் சிங்­கப்­பூர் இந்த வட்­டா­ரத்­தில் அமெ­ரிக்கா ஆற்­றிய பங்­கிற்கு ஆத­ர­வ­ளித்­தி­ருப்­ப­தை அவர் சுட்­டி­னார்.

"பல அர­சாங்­கங்­களை நான் கவ­னித்­தி­ருப்­ப­தை வைத்துப் பார்க்கும்போது ஆசியாவில் நீண்­ட­கா­லம் நிலைக்­கும் சாத­னை­யைப் புரி­வ­தில் இந்த அர­சாங்­கத்­திற்கு முழு ஈடு­பாடு இருக்­கிறது என்­பதை என்­னால் ஓர­ளவு உறுதி­யாகச் சொல்­ல­மு­டி­யும்," என்று ஆசி­யா­வில் அமெ­ரிக்கா கொண்­டுள்ள ஈடு­பாடு குறித்து திரு லீ பேசி­னார். தம்­மி­டம் எழுப்­பப்­பட்ட கேள்­விக்கு அவர் இவ்வாறு பதி­ல­ளித்­தார்.

"அவர்­கள் பரிந்­து­ரைக்­கும் திட்­டங்­கள் எதிர்­பார்த்த பலன்­களை அளிப்­ப­தோடு அவை சரி­யாக கடைப்­பி­டிக்­கப்­பட்டு பல ஆண்­டு­களுக்கு வளர்ச்சி காண்பதை சிங்கப்பூர் தம்­மால் முடிந்­த­வரை உறு­தி­செய்ய உத­வும்," என்று திரு லீ கூறி­னார்.

'யுஎஸ்-சிங்­கப்­பூர் பார்ட்­னர்­ஷிப் ஃபார் குரோத் அண்ட் இனோவேஷன்' எனும் வளர்ச்சி, புத்­தாக்­கம் ஆகி­ய­வற்­றுக்­கான இரு நாடு­களுக்­கும் இடையே உள்ள பங்­கா­ளித்­து­வத்­தின்­கீழ் புதிய அம்­சங்­களில் ஒத்­து­ழைக்­கப்­போ­வ­தாக சிங்­கப்­பூ­ரும் அமெ­ரிக்­கா­வும் அறி­வித்­தன. மின்­னி­லக்­கப் பொரு­ளி­யல், அறி­வார்ந்த நக­ரங்­கள் உள்­ளிட்­ட­வற்­றில் அனை­வ­ரை­யும் உள்­ள­டக்­கும் விதத்­தில் வளர்ச்­சி­யடைய வகை­செய்­வது இந்த பங்­கா­ளித்­து­வத்­தின் நோக்­கம்.

தக­வல்­களை பரி­மா­றிக்­கொள்­ளக்­கூ­டிய வகை­யில் செயற்கை நுண்­ண­றி­வுக்­கான விதி­மு­றை­களை வரைய சிங்­கப்­பூ­ரும் அமெ­ரிக்­கா­வும் இணைந்து செயல்­படும். சிறந்த இணையப் பாதுகாப்பு வழி­காட்­டி­களை உரு­வாக்­க­வும் இரு நாடு­களும் ஒத்­து­ழைக்­கும்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!