மறுவிற்பனை கூட்டுரிமை வீட்டு விற்பனை அதிகரிப்பு

தொடர்ந்து 20வது மாத­மாக மறு­விற்­பனை கூட்­டு­ரிமை வீடு­க­ளின் விலை சென்ற மாதம் அதி­க­ரித்­துள்ளது.

மேலும், சென்ற மாதம் பதி­வான மறு­விற்­பனை கூட்­டு­ரிமை வீட்­டுப் பரி­வர்த்­த­னை­களும் கூடின. முன்­ன­தாக தொடர்ந்து ஆறு மாதங்­க­ளாக இந்த எண்­ணிக்கை குறைந்து வந்­தது.

சென்ற மாதம் மறுவிற்பனை கூட்டுரிமை வீடுகளின் விலை 0.8 விழுக்காடு கூடியது. இது, கடந்த பிப்ரவரி மாதம் பதிவான விகிதத்தைவிட 0.2 விழுக்காடு அதிகம்.

சென்ற ஆண்டு மார்ச் மாதம் பதிவான விலையைக் காட்டிலும் சென்ற மாதம் மறுவிற்பனை கூட்டுரிமை வீடுகளின் விலை 9.7 விழுக்காடு அதிகரித்தது.

கடந்த பிப்­ர­வரி மாதத்­துக்­கான புள்ளி விவ­ரங்­க­ளு­டன் ஒப்­பி­டு­கை­யில் சென்ற மாதம் பதி­வான மறு­விற்­பனை கூட்­டு­ரிமை வீட்­டுப் பரி­வர்த்­த­னை­கள் 35.6 விழுக்­காடு அதி­க­ரித்­தன.

பிப்ரவரி மாதத்தில் 960 வீடுகள் விற்கப்பட்டன. சென்ற ஆண்டு இந்த எண்ணிக்கை 1,302ஆகப் பதிவானது.

எனி­னும் சென்ற ஆண்டு மார்ச் மாதம் பதி­வான எண்­ணிக்­கை­யுடன் ஒப்­பி­டும்­போது சென்ற மாதம் பதி­வான ம­று­விற்­பனை கூட்­டு­ரிமை வீட்­டுப் பரி­வர்த்­தனை­கள் 31.4 விழுக்­காடு குறைந்­தன.

கிரு­மிப் பர­வ­லைக் கட்­டுப்­படுத்த நடப்­பில் இருந்த பாது­காப்பு விதி­மு­றை­கள் தளர்த்­தப்­பட்­டது உள்­ளிட்ட கார­ணங்­க­ளால் சென்ற மாதம் கூடு­த­லான மறு­விற்­பனை கூட்­டு­ரிமை வீடு­கள் விற்­ப­னை­யா­ன­தாக சொத்­துச் சந்தை கவ­னிப்­பா­ளர்­கள் கூறு­கின்­ற­னர்.