புனித வெள்ளிக்கிழமைக்காக தேவாலயங்களில் திரண்ட மக்கள்

சிங்­கப்­பூர் முழு­வ­தும் உள்ள தேவா­ல­யங்­களில் கிறிஸ்­து­வர்­கள் பலர் புனித வெள்­ளிக்­கி­ழ­மை­யான நேற்று வழி­பாட்­டுக்­கா­கத் திரண்­ட­னர். கிரு­மிப் பர­வல் கட்­டுப்­பா­டு­கள் சென்ற மாதம் தளர்த்­தப்­பட்­ட­தால் கூடு­த­லா­னோர் சமய வழி­பாட்­டுச் சேவை­களில் நேரில் சென்று பங்­கேற்­கமு­டி­யும்.

உட்லண்ட்சில் இருக்கும் 'செயின்ட் ஆண்டனி ஆஃப் படுவா' தேவாலயத்தில் நேற்று காலை ஒன்பது மணிக்கு நடைபெற்ற புனித வெள்ளிக்கிழமை வழிபாட்டில் 351 பேர் பங்கேற்றதாக அங்கு சென்ற ஸ்ட்ரெய்ட்ஸ் டைம்ஸ் தெரிவித்தது. அந்த தேவாலயத்தில் ஒரு நேரத்தில் 400 பேர் வரை இருக்கலாம்.

சென்ற மாதம் 29ஆம் தேதி­யிலி­ருந்து 1,000க்கும் அதி­க­மானோர் ஈடு­ப­டக்­கூ­டிய சமய நட­வடிக்­கை­களில் 75 விழுக்­காட்­டி­னர் வரை பங்­கேற்­க­லாம். முன்­ன­தாக இந்த விகி­தம் 50 விழுக்­கா­டாக இருந்­தது.

மேலும், நேரில் சென்று சமய நட­வ­டிக்­கை­களில் பங்­கேற்­போர் முகக்­க­வ­சங்­களை அணிந்­த­படி பாட­வும் கூட்­டுப் பிரார்த்­தனை­களை வாய்­விட்­டுச் சொல்­ல­வும் அனு­மதி உண்டு.

இத்­த­கைய கார­ணங்­க­ளால் இவ்­வாண்­டின் புனித வெள்­ளிக்­கி­ழமை கூடு­தல் சிறப்­பா­ன­தாக அமைந்­துள்­ள­தென தேவா­ல­யங்­க­ளுக்­குச் சென்ற சிலர் கூறி­னர். தேவா­லங்­களில் பாட­மு­டி­வது மிகுந்த மன­நி­றைவை அளிப்­பதாக வழி­பாட்­டா­ளர்­கள் தெரி­வித்­த­னர்.

கட்­டுப்பா­டு­கள் தளர்த்­தப்­பட்ட பிறகு கடந்த இரண்டு ஞாயிற்றுக்­கி­ழ­மை­களில் தமது தேவா­லா­யத்­தில் கூடும் பக்­தர்­க­ளின் எண்­ணிக்கை கணிசமாக அதி­க­ரித்­துள்­ள­தாக நொவீனா தேவா­ல­யத்­தின் திருச்சபை பாதிரியார் யூஜீன் லீ சொன்­னார். கட்­டுப்­பாட்­டுத் தளர்­வுக்­குப் பிறகு வந்த முதல் ஞாயிற்­று­கி­ழ­மை­யன்று சுமார் 500 வழிபாட்டாளர்கள் வருகை தந்­த­தா­க­வும் மறு­வா­ரம் அந்த எண்­ணிக்கை கிட்­டத்­தட்ட இரட்­டிப்­பானதா­க­வும் அவர் தெரி­வித்­தார்.

இனி தேவா­ல­யங்­களில் இடம்­பெ­றும் வழி­பாட்டு நட­வ­டிக்­கை­களில் நேரில் வந்து பங்­கேற்க ஊக்­கு­விப்­ப­தில் கவ­னம் செலுத்­தப் போவ­தாக சிங்­கப்­பூர் தேசிய தேவா­ல­யங்­கள் மன்­றம் தெரி­வித்தது.

புனித வெள்ளிக்கிழமையான நேற்று

உட்லண்ட்சில்

உள்ள 'செயின்ட் ஆண்டனி ஆஃப் படுவா'

தேவாலயத்தில் வழிபாட்டுக்காகத் திரண்ட

கத்தோலிக்கர்கள்.

படம்: ஸ்ட்ரெய்ட்ஸ் டைம்ஸ்