தொடர்ந்து ஏறும் முட்டை விலை

நியூ­கா­சல் கிரு­மிப் பர­வ­லுக்­குப் பிறகு உள்­ளூர்ப் பண்­ணை­க­ளின் முட்டை விநி­யோ­கம் பெரும்­பா­லும் மீட்­சி­ய­டைந்­த­போ­தும் சிங்­கப்­பூ­ரில் இம்­மா­த­மும் தொடர்ந்து முட்டை விலை அதி­க­ரித்­துள்­ளது.

சிங்­கப்­பூர்க் கடைக்­கா­ரர்­கள் வெளி­நா­டு­களில் இருந்து தரு­விக்­கப்­படும் முட்­டை­களை அதி­கம் வாங்கி விநி­யோ­கிக்­கின்­ற­னர்.

கடந்த இரண்டு மாதங்­க­ளாக தேவையை ஈடு­கட்­டும் வித­மாக விநி­யோ­கம் இடம்­பெ­று­வ­தாக அவர்­கள் கூறி­னர்.

இருப்­பி­னும் கோழி­க­ளுக்­கான தீவ­னத்­தின் விலை ஏற்­றம், எரி­சக்தி, போக்­கு­வ­ரத்து உள்­ளிட்ட செல­வு­கள் அதி­க­ரிப்பு போன்­ற­வற்­றால் முட்டை விலை தொடர்ந்து அதிகரிப்பதா­கக் கூறப்­பட்­டது.

ஷெங் சியோங், ஃபேர்பி­ரைஸ் ஆகிய பேரங்­கா­டி­களில் 30 முட்­டை­கள் கொண்ட பொட்­ட­லத்­தின் விலை $7.50. சென்ற மாதம் $7.20 ஆக இருந்த இந்­தப் பொட்­ட­லத்­தின் விலை பிப்­ர­வ­ரி­யில் $6.15 ஆக இருந்­த­தாக ஸ்ட்­ரெய்ட்ஸ் டைம்ஸ் அறி­கிறது.

சிங்­கப்­பூ­ரின் செங் சூன் பண்­ணை­யில் பிப்­ர­வரி மாதம் நியூ­கா­சல் நோய்ப்­ப­ர­வல் கண்­ட­றி­யப்­பட்­ட­போது உற்­பத்தி 40 விழுக்­காடு சரிந்­தது; இத­னால் உள்­ளூர் முட்டை விநி­யோ­கம் வெகு­வா­கக் குறைந்­தது.

சிங்­கப்­பூ­ரில் பயன்­ப­டுத்­தப்­படும் பத்து விழுக்­காட்டு முட்­டை­கள் இந்­தப் பண்­ணை­யில் உற்­பத்­தி­யா­கின்­றன.

தற்­போது பண்­ணை­யில் முட்டை உற்­பத்தி பழைய நிலைக்கு மீண்­டி­ருப்­ப­தா­கத் தெரி­விக்­கப்­பட்­டது.

கோழி­க­ளுக்கு நியூ­கா­சல் நோய்க்கு எதி­ரான தடுப்­பூ­சி­செ­லுத்­தப்­பட்­ட­தாக செங் சூன் பண்ணை தெரி­வித்­தது. பண்ணை வளா­கம் அவ்­வப்­போது கிரு­மி­நீக்­கம் செய்­யப்­ப­டு­வ­தா­க­வும் தெரி­விக்­கப்­பட்­டது.

சிங்­கப்­பூர், மலே­சியா ஆகி­ய­வற்­றில் உற்­பத்­தி­யா­கும் முட்­டை­க­ளின் விலை உயர்ந்­தா­லும்், ஆஸ்­தி­ரே­லியா, நியூ­சி­லாந்து ஆகிய நாடு­களில் இருந்து தரு­விக்­கப்­படும் முட்­டை­க­ளின் விலை நிலை­யாக இருப்­ப­தாக ஃபேர்பி­ரைஸ் பேரங்­காடி தெரி­வித்­தது.