வெளிநாட்டினருக்குப் புதிய கேம்பிரிட்ஜ் தகுதித் தேர்வு

கல்வி அமைச்சு நடத்­தும் தொடக்­கப்­பள்­ளி­யில் சேர விரும்­பும் அனைத்­து­லக மாண­வர்­கள், புதிய கேம்­பி­ரிட்ஜ் ஆங்­கி­லத் தகு­தித் தேர்­வில் தேர்ச்சி பெற வேண்­டும்.

கல்வி அமைச்சு நடத்­தி­வந்த ஆங்­கில மொழித் தேர்­வுக்­குப் பதி­லாக இது இடம்­பெ­று­கிறது. புதிய தகு­தித் தேர்வு, கேம்­பி­ரிட்ஜ் பல்­கலைக்கழ­கத்­தின் ஒரு பகு­தி­யாக இடம்­பெ­றும் கேம்­பி­ரிட்ஜ் ஆங்­கில மதிப்­பீட்டுத் தேர்­வா­கும்.

அது, கேம்­பி­ரிட்ஜ் ஆங்­கி­லத் தகு­தித் தேர்­வில் மாண­வர் பெறும் மதிப்­பெண்­ணைக் கொண்டு அவரின் செயல்­தி­றனை முடிவு செய்­யும்.

கல்வி அமைச்­சின் தொடக்­கப்­பள்­ளி­களில் 2023 மாண­வர் சேர்க்கையில் தொடங்கி வெளி நாட்டு மாண­வர்­கள் தங்­கள் கேம்­பி­ரிட்ஜ் ஆங்­கி­லத் தகு­தித் தேர்வு முடிவைத் தாக்­கல் செய்­ய­வேண்டி இருக்­கும்.

விண்­ணப்­பங்­கள் ஜூலை­யில் தொடங்­கும். கல்வி அமைச்­சின் பள்­ளி­களில் தொடக்­கப்­பள்ளி 2ஆம் வகுப்பு முதல் 5ஆம் வகுப்பு வரை, உயர்­நிலை 1 முதல் 3 வரை சேர விரும்­பும் வெளி­நாட்டு மாண­வர்­கள், சிங்­கப்­பூ­ரில் பிப்­ர­வரி, செப்­டம்­பர் மாதங்­களில் நடக்­கும் அனைத்­து­லக மாண­வர்களுக்­கான மாண­வர் சேர்க்கை நடை­மு­றை­யில் பங்­கெ­டுக்க வேண்­டும்.

அந்­தத் தேர்­வில் வெற்றி பெறு­வோ­ருக்கு மட்­டும் பொருத்­த­மான பள்­ளி­யில் உள்ள இடத்­திற்கு ஏற்ப அனு­மதி கிடைக்­கும் என்று அமைச்சு நேற்று தெரி­வித்­தது.

தேவைப்­படும் மதிப்­பெண் விவ­ரங்­களை www.moe.gov.sg/international-students/aeis. என்ற முக­வ­ரி­யில் தெரிந்­து­கொள்­ள­லாம்.

உயர்­நி­லைப்­ பள்­ளி­களில் சேர விரும்­பும் வெளி­நாட்­டி­ன­ருக்கு நுழை­வுத் தேர்­வில் மாற்­றம் இல்லை. அனைத்­து­லக மாண­வர் களுக்­கான மாண­வர் சேர்க்கை தேர்வு பற்­றிய விவ­ரங்­களை www.moe.gov.sg/international-students/aeis. முக­வ­ரி­யில் அறி­ய­லாம்.

வெளி­நா­டு­களில் இருந்து திரும்­பும் சிங்­கப்­பூ­ரர்களுக்கு, இடம் இருக்­கும் பட்­சத்­தில், அவர்­களின் வீட்­டிற்கு அருகே இருக்­கும் பள்­ளி­களில் இடம் அளிக்­கப்­படும் என்­றும் அமைச்சு தெரி­வித்­துள்­ளது.