மாணவர் முரசு
இ-பேப்பர்
உடற்குறையாளர்கள் தங்களை மேம்படுத்திக் கொள்ள விரும்பினால் இப்போது அவர்கள் இலவச பயிற்சிப் படிப்புகளில் சேரலாம்.
மின்னிலக்கப் பாதுகாப்பு, விற்பனை தேர்ச்சிகள் போன்ற துறைகளில் அவர்கள் திறமைகளை வளர்த்துக் கொள்ளலாம்.
'விஎம்வேர்' என்ற மென்பொருள் நிறுவனம் நேற்று புதிய பயிற்சிப் படிப்புகளைத் தொடங்கியது. ஊழியர் அணியிடையே மின்னிலக்கமயம் அதிகரித்து வருகிறது. இந்த நிலையில், உடற்குறை உள்ளவர்களுக்கு வேலை கிடைக்கக்கூடிய வாய்ப்புகளை மேம்படுத்தித் தரும் நோக்கத்துடன் புதிய பயிற்சி படிப்புகள் தொடங்கப்பட்டு இருக்கின்றன.
'விஎம்வேர் அரோரா' என்று பெயரிடப்பட்டு இருக்கும் அந்தப் பயிற்சிப் படிப்புச் செயல்திட்டம், பல்வேறு தொழில்துறை பங்காளி நிறுவனங்களை எட்டும். அவற்றுடன் சேர்ந்து செயல்படும்.
அடுத்த மூன்றாண்டுகளில் உடற்குறையுடன் கூடிய 1,000 பேருக்கு உதவுவது அந்தச் செயல்திட்டத்தின் நோக்கம் என்று தெரிவிக்கப்பட்டு உள்ளது.