மாணவர் முரசு
இ-பேப்பர்
வீடமைப்பு வளர்ச்சிக் கழக மறுவிற்பனைச் சந்தையில் ஜனவரி முதல் மார்ச் வரையிலான இவ்வாண்டின் முதல் காலாண்டில் விலைகள் 2.4 விழுக்காடு உயர்ந்தன.
இதற்கு முந்திய காலாண்டுடன் ஒப்பிடுகையில் மெதுவான வேகத்தில் விலைகள் உயர்ந்ததாக கழகம் நேற்று தனது அறிக்கையில் குறிப்பிட்டது.
இதற்கு முந்திய காலாண்டான, கடந்த ஆண்டின் இறுதிக் காலாண்டில் இதைக் காட்டிலும் ஒரு விழுக்காடு, அதாவது 3.4 விழுக்காடு மறுவிற்பனை விலைகள் அதி
கரித்தன.
கடந்த ஆண்டு முழுமைக்கும் விலைகளின் ஏற்றம் தொடர்ந்தது. ஆண்டின் மொத்த உயர்வு விகிதம் 12.7 விழுக்காடு என பதிவானது. 2010ஆம் ஆண்டுக்குப் பிறகு ஆண்டு முழுவதும் தொடர்ச்சியாக விலைகள் வேகமாக உயர்ந்தது கடந்த ஆண்டில்தான்.
சொத்துச் சந்தையின் வேகத்தைத் தணிக்கவும் அதிகப்படியான நிதி விவேகத்தை ஊக்குவிக்கவும் கடந்த ஆண்டின் இறுதிவாக்கில் புதிதாக நடவடிக்கைகள் அறி
முகம் செய்யப்பட்டன.
அப்போது முதல் விலைகளின் ஏற்றம் மெதுவடைந்தது. அதேபோல மறுவிற்பனை வீவக வீடுகளின் விற்பனையிலும் சுணக்கம் காணப்பட்டது.
இவ்வாண்டின் முதல் காலாண்டில் 6,934 வீவக வீடுகள் மறுவிற்
பனைச் சந்தையில் கைமாறின. கடந்த ஆண்டின் நான்காம் காலாண்டில் விற்பனை ஆன 7,940 வீடுகளைக் காட்டிலும் இது 12.7 விழுக்காடு குறைவு.
ஆண்டுக்காண்டு அடிப்படையில் 8.5 விழுக்காடு குறைவான பரிவர்த்தனை நிகழ்ந்துள்ளது.
2021 முதல் காலாண்டில் 7,581 வீடுகள் மறுவிற்பனைச் சந்தையில் விற்கப்பட்டன.
இந்த ஆண்டின் முதல் காலாண்டில் விலை உயர்வின் விகிதம் குறைந்தாலும் எட்டாவது காலாண்டாக விலை உயர்வு தொடர்ந்தது. வேகம் குறைந்திருப்பது அடுத்தடுத்த உயர்வில் முட்டுக்கட்டை ஏற்படும் சாத்தியத்தை உணர்த்தி இருப்பதாக சொத்துச் சந்தை பகுப்பாய்வாளர்கள் கூறுகின்றனர்.
இந்தக் காலாண்டின் விலை உயர்வு விகிதம் (2.4%) 2020ஆம் ஆண்டின் மூன்றாம் காலாண்டுக்குப் பிறகுப் பதிவான ஆகக் குறைவான வளர்ச்சி என்று ஆரஞ்சுடீ அண்ட் டை சொத்து நிறுவனத்தின் ஆராய்ச்சி மற்றும் பகுப்பாய்வுப் பிரிவின் மூத்த துணைத் தலைவர் திருவாட்டி கிறிஸ்டின் சன் கூறினார். 2020 மூன்றாம் காலாண்டில் 1.5 விழுக்காடு விலை உயர்வு காணப்பட்டது.
வட்டி விகிதங்கள் உயரும் சாத்தியம் இருப்பதாலும் பணவீக்கம் அதிகரிப்பதாலும் இவ்வாண்டு விலை உயர்வில் வேகம் இருக்காது என்றும் வீடுகளை வாங்க விரும்புவோர் அதிகத் தொகை தர முன்வராத போக்கு காணப்படுவதாகவும் அவர் தெரிவித்தார்.
வீவக மறுவிற்பனைச் சந்தையின் முதலாம் காலாண்டு நிலவரம்