மருத்துவச் சலுகைகளுக்கு அதிக முக்கியத்துவம் தரும் ஊழியர்கள்

சரி­யான மருத்­து­வச் சலு­கை­கள் வழங்­கப்­பட்­டால் தாங்­கள் சிறிய, நடுத்­தர நிறு­வ­னங்­களில் சேர்ந்து அவற்­றில் தொடர்ந்து பணி­யாற்­றத் தயா­ராய் இருப்­ப­தாக ஊழி­யர்­கள் தெரி­வித்­துள்­ள­னர்.

ஆனால், பல சிறிய, நடுத்­தர நிறு­வ­னங்­கள் போது­மான மருத்­து­வச் சலு­கை­களை வழங்க சிர­மப்­ப­டு­கின்­றன. அவை சிறிய நிறு­வனங்­க­ளாக இயங்­கு­வ­தும் குழுக் காப்­பு­று­தித் திட்­டங்­க­ளுக்கு அதி­கம் செல­வா­வ­தும் அதற்­கான கார­ணங்­கள்.

மருத்துவமனை உள்நோயாளிச் செலவு, பொது மருந்தக வெளிநோயாளிச் செலவு ஆகிய இரண்டும் மருத்துவச் சலுகைகளில் அடங்கும். காப்­பு­றுதி நிறு­வ­ன­மான 'புரு­டென்­ஷி­யல் சிங்­கப்­பூர்', வர்த்­தக ஆய்வு நிறு­வ­ன­மான 'மிலியூ இன்­சைட்' ஆகி­யவை இணைந்து நடத்­திய கருத்­தாய்­வில் இந்த விவரங்­கள் தெரி­ய­வந்­தன.

சிங்­கப்­பூரைச் சேர்ந்த 1,029 சிறிய நடுத்­தர நிறு­வன ஊழி­யர்­களை­யும் வர்த்­தக உரி­மை­யா­ளர்­களை­யும் கொண்டு கருத்­தாய்வு நடத்­தப்­பட்­டது. அவர்­களில் 10ல் ஒன்­பது பேர் தங்­கள் நிறு­வ­னங்­கள் சுகா­தா­ரப் பரா­ம­ரிப்­புக் காப்­புறு­தித் திட்­டங்­களை வழங்­குவதை விரும்­பு­கின்­ற­னர்.