மாணவர் முரசு
இ-பேப்பர்
சுமார் 1,100 பாலர் பள்ளிகளைச் சேர்ந்த 75,000க்கும் அதிகமான மாணவர்கள் இவ்வாண்டு சமூகத்திற்குத் தொண்டாற்றுவர்.
வசதி குறைந்தோருக்கு நன்கொடையாக உணவு வழங்குவது, சுகாதாரப் பராமரிப்பு ஊழியர்களுக்கு நன்றி தெரிவிக்கும் அட்டைகளை வழங்குவது உள்ளிட்ட நடவடிக்கைகளில் ஐந்து, ஆறு வயது சிறுவர்கள் ஈடுபடுவர். இதற்கு வழிவகுக்கும் 'ஸ்டார்ட் ஸ்மோல் டிரீம் பிக்' எனும் 'இளம் வயதில் தொடங்குங்கள், பெரிய கனவுகளைக் காணுங்கள்' திட்டத்தை பாலர் பருவ மேம்பாட்டு அமைப்பு நேற்று தொடங்கி வைத்தது. அதிபர் சவால் இயக்கத்தின்கீழ் இத்திட்டம் ஆண்டுதோறும் நடத்தப்பட்டு வருகிறது. எட்டாவது ஆண்டாக இத்திட்டம் நடத்தப்படுகிறது.
இவ்வாண்டின் திட்டம் 'நமது குடும்பம், நமது சமூகம்' என்ற கருப்பொருளைக் கொண்டுள்ளது.
பொங்கோல் வீவக புளோக் 173Dயில் உள்ள 'பிரைட் கிட்ஸ் ஸ்கூல் ஹவுஸ்' பாலர் பள்ளியில் திட்டம் தொடங்கிவைக்கப்பட்டது. சமுதாய, குடும்ப மேம்பாட்டு அமைச்சர் அதில் கலந்துகொண்டார்.
'இளம் வயதில் தொடங்குங்கள், பெரிய கனவுகளைக் காணுங்கள்' திட்டம் 2015ஆம் ஆண்டு தொடங்கப்பட்டது.
