மாணவர் முரசு
இ-பேப்பர்
இவ்வாண்டின் பிப்ரவரி மாதம் வலுவாகக் காணப்பட்ட சிங்கப்பூரின் உற்பத்தித்துறை வளர்ச்சி மார்ச் மாதம் மெதுவடைந்ததாக பொருளியல் வளர்ச்சிக் கழகம் தெரிவித்து உள்ளது. மருந்து தயாரிப்புத் துறையில் வீழ்ச்சி காணப்பட்டது இதற்கு முக்கிய காரணம் என்றும் அது குறிப்பிட்டு உள்ளது.
ஆண்டுக்காண்டு அடிப்படையில் 3.4 விழுக்காடு பதிவான உற்பத்தித் துறையின் வளர்ச்சி பிப்ரவரி மாதத்துடன் ஒப்பிடுகையில் 17.5 விழுக்காடு இறக்கம் கண்டது. இருப்பினும், ஆண்டு அடிப்படையிலான வளர்ச்சி 2% இருக்கும் என்ற புளூம்பெர்க் பகுப்பாய்வாளர்கள் கணித்ததைக் காட்டிலும் சற்று அதிகம் பதிவாகி உள்ளது.
உயிர்மருத்துவ உற்பத்தித் துறையை விலக்கிவிட்டு கணக்கிட்டால் ஆண்டு அடிப்படையிலான வளர்ச்சி 9.7 விழுக்காடு.
உற்பத்துத் துறையில் முக்கிய பங்கு வகிக்கும் மின்னணுவி துறை 2021 மார்ச் மாதத்துடன் ஒப்பிடுகையில் இந்த மார்ச் மாதம் 14.5 விழுக்காடு வளர்ச்சி கண்டது.
மின்னணுவியல் துறையின் எல்லாப் பிரிவுகளிலும் வளர்ச்சி பதிவானபோதிலும் கணினி சாதனங்கள் மற்றும் தரவு சேமிப்புப் பிரிவு 4.3% சரிவைச் சந்தித்தது.