இவர் எடுத்த முடிவு பலரையும் ஆச்சரியப்பட வைத்தது

மாதங்கி இளங்­கோ­வன்

வாழ்க்­கை­யில் சாதனை புரிய மன­தில் உறு­தி­யும் செய­லில் கடும் உழைப்­பும் இருந்­தால் போதும் என நிரூ­பித்­துள்­ளார் வள்­ளி­யம்மை லெட்­சு­ம­ணன், 22, (படம்).

தெமா­செக் பல­து­றைத் தொழிற்­கல்­லூ­ரி­யில் பயின்ற இவர், கல்­வி­யில் சிறந்து விளங்கி பல்­வேறு நட­வடிக்­கை­களில் முழு மன­தோடு ஈடு­பட்­ட­தன் பல­னாக, லீ கொங் சியன் விரு­தைப் வென்­றுள்­ளார். ஆனால், இந்த நிலையை எட்­டு­வ­தற்கு கடி­ன­மான முடிவு ஒன்றை இவர் எடுக்க வேண்­டி­யி­ருந்­தது.

இவ­ரது கல்­விப் பய­ணம் வழக்­கத்­திற்கு மாறா­னது. வழக்­க­நி­லைத் தேர்­வில் நன்­றாக செய்­தி­ருந்­தா­லும் பல­து­றைத் தொழிற்­கல்­லூ­ரி­யில் தமக்­குப் பிடித்­த­மான கணக்­கி­யல் பாடத்­தைப் படிக்­கத் தேவை­யான மதிப்­பெண்­களை இவர் பெற­வில்லை. சாதா­ரண நிலைத் தேர்வை எழுத பல­ரும் இவரை ஊக்கு­வித்­த­னர். வேறு சிலரோ, பல­து­றைத் தொழிற்­கல்லூரியில் வேறொரு பாடப்­பி­ரி­வில் சேர இவ­ருக்கு ஆலோ­சனை கூறி­னர்.

வள்­ளி­யம்மை எடுத்த முடிவோ இவ­ரு­டைய நண்­பர்­க­ளை­யும் குடும்­பத்­தா­ரை­யும் ஆச்­ச­ரி­யப்­பட வைத்­தது. யாரு­டைய அறி­வு­ரை­யை­யும் கேட்­கா­மல் தொழில்­நுட்ப கல்­விக் கழ­கத்­தில் சேர்ந்து கணக்­கி­யல் பாடத்­தில் உயர் நைட்­டெக் படிப்பை இவர் மேற்­கொண்­டார்.

எதிர்­கா­லத்­தில் கணக்­கி­யல் துறை­யில்­தான் பணி­பு­ரி­வோம் என்ற நம்­பிக்கை இருந்­த­தால் தம் கன­வு­களை நன­வாக்க உத்­வே­கத்­து­டன் இவர் படித்­தார். 'சிஜி­பிஏ' மதிப்­பெண் முறை­யில் 3.94 புள்­ளி­க­ளைப் பெற்ற இவர், தெமா­சிக் பல­து­றைத் தொழிற்­கல்­லூரி­யில் வங்கி, நிதித் துறை­யில் சேர்ந்­தார்.

நிதித் துறை­யில் அதிக ஆர்­வம் காட்­டும் வள்­ளி­யம்மை, படிப்­பில் மட்­டும் மேதை­யாக இருந்­தால் போதாது, வெவ்­வேறு இணைப்­பாட நட­வ­டிக்­கை­களி­லும் ஈடு­ப­டு­வது அவ­சி­யம் என்று எண்­ணி­னார்.

தமது உயர்­வில் மட்­டும் கவ­னம் செலுத்­து­வ­து­டன் நிறுத்­தி­வி­டா­மல் சமு­தா­யத்­திற்­கும் திருப்­பிக் கொடுக்க வேண்­டும் என்ற விருப்­பம் கொண்­டி­ருந்த வள்­ளி­யம்மை, இரு இணைப்­பாட நட­வ­டிக்­கை­களில் ஈடு­பட்­டார். தம் பள்­ளி­யின் சமூ­கச் சேவை அமைப்­பின் மூலம் தொடக்­கப்­பள்ளி மாண­வர்­க­ளுக்கு பாடங்­க­ளைக் கற்­றுக்­கொ­டுப்­பது, விளை­யாட்டு மூலம் ஒழுக்­கத்­தைக் கற்­றுக்­கொ­டுப்­பது என ஒன்­றரை ஆண்­டுக்கு சிறு­வர்­க­ளுக்கு வழிக்­காட்­டி­யாக இவர் திகழ்ந்­தார்.

பல­து­றைத் தொழிற்­கல்­லூ­ரி­யில் கணக்­கி­யல், நிதி ஆர்­வ­லர்­கள் குழு­வி­லும் சேர்ந்து பல நிகழ்ச்­சி­களை திட்­ட­மிட்டு நடத்­தி­னார். மாண­வர்­க­ளுக்கு நிதி சார்ந்த கல்வி மிக அவ­சி­ய­மான ஒன்று என நம்­பும் வள்ளி, அவர்­க­ளுக்­கான பயி­ல­ரங்­கு­க­ளுக்கு ஏற்­பாடு செய்­தார்.

இவ்­வாறு பல முயற்­சி­களில் ஈடு­பட்டு வந்த வள்ளி­ யம்மையின் வாழ்க்­கை­யில் சவால்­களும் தியா­கங்­களும் நிறைந்­தி­ருந்­தன.

"நான் முட்­டாள்­த­ன­மாக முடி­வெ­டுப்­ப­தாக பல­ரும் என்­னைத் தட்­டிக்­க­ழித்­த­னர், வாழ்க்­கை­யின் யதார்த்­தத்­தைப் புரிந்­து­கொள்­ளா­மல் தவ­றான பாதை­யைத் தேர்ந்­தெ­டுக்­கி­றேன் என்று கேலி செய்­த­னர். ஆனால், அவர்­க­ளு­டைய வார்த்­தை­கள் என்­னைப் புண்­ப­டுத்­த­வில்லை. என்­னால் கண்­டிப்­பாக சாதிக்க முடி­யும் என்ற வெறித்­தான் கூடி­யது," என்­றார் இவர்.

மக்­க­ளின் கருத்­து­கள் ஒரு­பு­ற­மி­ருக்க, கொவிட்-19 சூழ­லில் பள்­ளி­யில் நேரடி வகுப்­பு­க­ளுக்­குச் செல்­ல­மு­டி­யா­தது இவ­ருக்கு சவா­லாக அமைந்­தது. ஆசி­ரி­யர்­க­ளி­டம் உட­ன­டி­யா­கக் கேள்­வி­க­ளைக் கேட்­டுப் பழ­கி­யதா­லும் நண்­பர்­க­ளோடு சேர்ந்து படிப்­பதை விரும்­பி­ய­தா­லும் வீட்­டி­லி­ருந்து கற்­பது இவ­ருக்­குச் சற்று கடி­ன­மான அனு­ப­வ­மாக அமைந்­தது.

வகுப்­பு­க­ளுக்­கும் இணைப்­பாட நட­வ­டிக்­கை­க­ளுக்­கும் இடை­யி­லான நேரத்­தில் தம்­மு­டைய குடும்­பத்­தா­ரு­டன் நேரம் செல­வ­ழிக்­க­வும் பழைய நண்­பர்­களோடு வெளியே செல்­ல­வும் முடி­ய­வில்லை. இருப்­பி­னும், இவ­ரு­டைய குடும்­பத்­தா­ரும் நண்­பர்­களும் ஆத­ர­வ­ளித்து இவ­ரு­டைய முயற்­சி­க­ளைப் புரிந்­து­கொண்டு பக்­க­ப­ல­மாக இருந்­த­னர்.

சுய முயற்சி, குடும்ப ஆத­ரவு, ஆசி­ரி­யர்­க­ளின் உந்­து­தல், நண்­பர்­க­ளின் உதவி என பல­ரும் வள்­ளி­யின் வெற்­றிக்கு வெவ்­வேறு விதங்­களில் பங்­க­ளித்­துள்­ள­னர். எர்னஸ் அண்ட் யங் நிறு­வ­னத்­தில் தணிக்­கை­யா­ள­ரா­கப் பயிற்சி வேலை செய்­யும் இவர், பல்­க­லைக்­க­ழ­கத்­தில் வர்த்­தக நிர்­வா­கத்­ துறையில் படித்து வங்கி, நிதித்­து­றை­யில் சேர விரும்­பு­கி­றார்.

சாமர்த்­தி­ய­மாக உழைப்­ப­தன் பலனை இளை­யர்­களி­டம் நிரூ­பிக்­கும் வள்ளி, லீ கொங் சியன் விருதை பெற்றதோடு $1,000 ரொக்­கத்­தை­யும் வென்­றுள்­ளார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!