புதிய நிர்வாகத்தின்கீழ் உலா வரவிருக்கும் 'ஜென்ட்டிங் ட்ரீம்'

மலே­சி­யத் தொழி­ல­தி­பர் லிம் கோக் தாய்க்­குச் சொந்­த­மான 'ரிசார்ட்ஸ் வோர்ல்ட் க்ரூ­சஸ்' எனும் நிறு­வ­னம் ஜூன் 15ஆம் தேதி­யில் இருந்து சிங்­கப்­பூ­ரில் 'ஜென்ட்­டிங் ட்ரீம்' சொகு­சுக் கப்­பலை இயக்­க­வி­ருக்­கிறது.

மூன்று மாதங்­க­ளுக்கு முன்­னர் நொடித்­துப் போன 'ஜென்ட்­டிங் ஹாங்­காங்' நிறு­வ­னத்­தில் வேலை­செய்த ஏறக்­கு­றைய 1,600 ஊழி­யர்­களை அது மீண்­டும் வேலைக்கு எடுக்­க­வி­ருக்­கிறது. ஏற்­கெ­னவே விற்­பனை, ஹோட்­டல் செயல்­பா­டு­கள் பிரி­வில் வேலை செய்த 100 பேரில் 70 பேரை அது வேலைக்­குச் சேர்த்­துள்­ள­தா­கக் கூறப்­பட்­டது.

சொகு­சுக் கப்­பல் பய­ணங்­க­ளுக்­கான முன்­ப­திவு https://rwcruises.com என்ற இணை­யத்­த­ளத்­தில் நேற்று தொடங்­கி­யது.

'வோர்ல்ட் ட்ரீம்ஸ்' சொகு­சுக் கப்­பல் பய­ணம் ரத்­தா­ன­தால் பாதிக்­கப்­பட்ட பய­ணி­க­ளுக்கு நல்­லெண்ண அடிப்­ப­டை­யில் சலு­கை­கள் அறி­விக்­கப்­பட்­டுள்­ளன.

சிங்­கப்­பூ­ரில் இந்த ஆண்டு மார்ச் 2ஆம் தேதிக்­கும் ஆகஸ்ட் 31ஆம் தேதிக்­கும் இடைப்­பட்ட, ரத்­தான பய­ணங்­க­ளுக்­குச் செலுத்­தப்­பட்ட தொகைக்கு ஈடான பற்­றுப் புள்­ளி­கள் வழங்­கப்­படும் என்று தெரிவிக்கப்பட்டது.

'ரிசார்ட்ஸ் வோர்ல்ட் க்ரூ­சஸ்' நிறு­வ­னத்­தின் தலை­மை­ய­கம் சிங்­கப்­பூ­ரில் அமைந்­தி­ருக்­கும். ஆசி­யா­வில் முன்­னிலை சொகு­சுக் கப்­பல் நடு­வ­மாக சிங்­கப்­பூரை உரு­வாக்­க அது முனையும்.