'இருநாட்டின் அணுக்கமான பொருளியல் ஒத்துழைப்புக்கு கெண்டால் ஒரு சான்று'

திறன் பயிற்­சி­கள் அளிப்­ப­தும் தகு­திக்கு ஏற்ற வேலை­யில் அமர்த்­து­வதும் இந்­தோ­னீ­சி­யா­வில் உள்ள கெண்­டால் தொழி­லி­யல் பேட்­டை­யின் வெற்­றிக்கு முக்­கி­யம் என்று நிதி அமைச்­சர் லாரன்ஸ் வோங் தெரி­வித்­துள்­ளார். இந்­தோ­னீ­சி­யா­வுக்கு நான்கு நாள் பய­ணம் மேற்­கொண்­டுள்ள திரு வோங், நேற்று 2,700 ஹெக்­டர் பரப்­ப­ள­வு­டைய கெண்­டால் தொழி­லி­யல் பேட்­டை­யைப் பார்­வை­யிட்­டார்.

சிங்­கப்­பூ­ரின் 'செம்ப்­கார்ப் டிவ­லப்­மண்ட்' மற்­றும் இந்­தோ­னீ­சி­யா­வின் தொழி­லி­யல் நிலச்­சொத்து மேம்­பாட்­டா­ள­ரான 'ஜப­பேகா' இரண்­டுக்­கும் இடையே வர்த்­தக ஒத்­துழைப்­பாக 2016ல் தொடங்­கி­யது இன்று இரு நாடு­க­ளின் அணுக்­க­மான பொரு­ளி­யல் ஒத்­து­ழைப்­பாக மாறி­யுள்­ள­தாக திரு வோங் குறிப்­பிட்­டார்.

சிங்­கப்­பூர், இந்­தோ­னீ­சி­யா­வின் இந்­தக் கூட்டு முயற்சி வளர்ச்சி காண, வேலை தேடு­த­லுக்­கான இணை­ய­வா­சல் ஒன்­றும் தொடங்­கப்­பட்­டுள்­ளது. உள்­ளூர் திற­னாளர்­களை ஈர்ப்­பதே இந்­தத் தளத்­தின் நோக்­க­மா­கும்.

இதைப் பாராட்­டிய திரு வோங், "முத­லீட்­டா­ளர்­க­ளி­டையே இத­னால் நம்­பிக்கை உண்­டா­கும். இங்கு வரும் முத­லீட்­டா­ளர்­களுக்கு ஊழி­யர்­கள் தேவை. அத­னால் திறன்­கள், பயிற்­சி­கள், தகு­திக்கு ஏற்ற வேலை­கள் போன்ற அம்­சங்­களில் கவ­னம் செலுத்­தப்­ப­டு­வதை முத­லீட்­டா­ளர்­கள் அறிந்­தால், கெண்­டா­லில் முத­லீடு செய்­யும் நம்­பிக்­கை­யைப் பெறு­வர்," என்­றார் அமைச்­சர்.

இதற்­கி­டையே, அனைத்­து­லக கொள்­க­லன் துறை­மு­கம் ஒன்றை சிங்­கப்­பூ­ரும் இந்­தோ­னீ­சி­யா­வும் இணைந்து கட்­டும் திட்­டத்­தில் உள்­ள­தா­க­வும் திரு வோங் நேற்று அறி­வித்­தி­ருந்­தார்.