திமோர் லெஸ்டே அதிபர் பதவியேற்பு விழாவில் சிங்கப்பூர் சார்பில் அமைச்சர் மாலிக்கி ஒஸ்மான் பங்கேற்பு

திமோர் லெஸ்­டே­யின் புதிய அதி­ப­ரா­கத் தேர்வு செய்­யப்­பட்­டுள்ள ஹோசே ராமோஸ் ஹோர்­டா­வின் பத­வி­யேற்பு விழா­வில் கலந்து­கொள்ள சிங்­கப்­பூ­ரைப் பிர­தி­நி­தித்து வெளி­யு­றவு இரண்­டாம் அமைச்­சர் முக­மது மாலிக்கி ஒஸ்­மான் அந்­நாட்டு தலை­நகர் திலிக்­கு நேற்று சென்­றுள்­ளார்.

அதி­பர் ராமோஸ் ஹோர்டா, பிர­த­மர் தவுர் மட்­டான் ருவாக், கல்வி அமைச்­ச­ரும் இளை­யர், விளை­யாட்டு அமைச்­ச­ரு­மான அர்­மிண்டோ மையா ஆகி­யோரை டாக்­டர் மாலிக்கி சந்­தித்து பேச்சு நடத்தி­னார்.

அந்­நாட்டு வெளி­யு­றவு அமைச்­சர் அடல்­ஜிசா மெக்னோ, டாக்­டர் மாலிக்­கிக்கு பகல் விருந்­த­ளித்­தார்.

சிங்­கப்­பூர் அதி­பர் ஹலிமா யாக்­கோப், திமோர் லெஸ்­டே­யின் அதி­ப­ருக்கு அனுப்­பிய வாழ்த்­துக் கடி­தத்தை டாக்­டர் மாலிக்கி, அதி­பர் ராமோஸ் ஹோர்­டா­வி­டம் வழங்­கி­னார்.

அதி­பர் ஹலிமா தமது கடி­தத்­தில், "கடந்த 20 ஆண்­டு­க­ளாக திமோர் லெஸ்டே குறிப்­பி­டத்­தக்க முன்­னேற்­றத்­தைக் கண்­டுள்­ளது," என்று கூறி­னார். மேலும் திரு ராமோஸ் ஹோர்­டா­வின் தலை­மை­யில் நாடு தொடர்ந்து முன்­னே­றும் என்று அவர் நம்­பிக்கை தெரி­வித்­தார்.

இந்த ஆண்டு சிங்­கப்­பூ­ருக்­கும் திமோர் லெஸ்­டே­வுக்­கும் இடையே அர­ச­தந்­திர உற­வு­கள் நிறு­வப்­பட்ட 20வது ஆண்டு நிறை­வைக் குறிக்­கிறது என்­றும் அதி­பர் ஹலிமா குறிப்­பிட்­டார்.