பள்ளி விடுமுறைக் காலத்தை முன்னிட்டு 'யுனிவெர்சல் ஸ்டூடியோஸ் சிங்கப்பூர்' பிள்ளைகளுக்கான சிறப்பு நிகழ்ச்சிகளுக்கு ஏற்பாடு செய்துள்ளது.
'மினியன்ஸ் 2' திரைப்படம் ஜூன் 30ஆம் தேதிதான் வெளியிடப்படும். ஆனால் அதற்கு முன்பே அதில் அறிமுகமாகும் புதிய 'ஓட்டோ' கதாபாத்திரத்தைச் சந்திக்கவும், அதனுடன் புகைப்படம் எடுத்துக்கொள்ளவும் நினைப்பவர்கள் மே 26ஆம் தேதியிலிருந்து ஆகஸ்ட் 14ஆம் தேதி வரை ஏற்பாடு செய்யப்பட்டிருக்கும் சிறப்பு நிகழ்ச்சிக்குச் செல்லலாம்.
நீர் விளையாட்டுகளில் ஆர்வம்கொண்ட பிள்ளைகளுக்காக செந்தோசாவின் ஓலோ கடற்கரையில் மூன்று நாள் சிறப்பு விளையாட்டு நிகழ்ச்சிக்கு ஏற்பாடு செய்யப்பட்டுள்ளது. ஜூன் 13, 14, 15ஆம் தேதிகளில் இடம்பெறும் 'ஃபன் இன் த சன்' நீர் விளையாட்டு நிகழ்ச்சியில் ஏழு முதல் 12 வயது வரையிலான பிள்ளைகள் கலந்துகொள்ளலாம்.
'கேட்ஸ் ஆஃப் த வேர்ல்ட் பர்ஸார்' நிகழ்ச்சியின் ஓர் அங்கமாக, அறச்செயலுக்காக கைவினைப் பொருள் செய்யக் கற்றுத்தரும் பயிலரங்குக்கு ஏற்பாடு செய்யப்பட்டுள்ளது. மே 28, 29ஆம் தேதிகளில் நடைபெறும் பயிலரங்கில் 14 வயதுக்கு மேற்பட்ட பிள்ளைகள் பங்குபெறலாம்.