கொளுத்தும் வெயில்; கவனமாக இருக்க மருத்துவர்கள் அறிவுறுத்து

இம்­மாத இறு­தி­வரை வெயில் கொளுத்­தும் என்­றும் செப்­டம்­பர் மாதம்­வரை வறண்ட வானிலை நீடிக்­கும் என்­றும் எதிர்­பார்க்­கப்­ப­டு­கிறது. இத­னால், வெப்­பம் சார்ந்த உடல்­ந­லக் கோளா­று­கள் ஏற்­ப­ட­லாம் என்­ப­தால் பொது­மக்­கள் கவ­ன­மாக இருக்­கும்­படி மருத்­து­வர்­கள் அறி­வு­றுத்­து­கின்­ற­னர்.

குளி­ரான மாதங்­க­ளை­விட வெப்­ப­மான மாதங்­களில், வெம்மை சார்ந்த காயங்­க­ளுக்­காக கூ டெக் புவாட் மருத்­து­வ­ம­னையை நாடும் நோயா­ளி­க­ளின் எண்­ணிக்கை மும்­ம­டங்­காக இருப்­ப­தாக அந்த ­ம­ருத்­து­வ­ம­னை­யின் தீவிர நோய், அவ­ச­ர­கா­லப் பரா­ம­ரிப்­புப் பிரி­வின் மூத்த ஆலோ­ச­கர் டாக்­டர் கனக் நாயுடு கூறி­னார்.

வெப்­பத்­தால் ஏற்­படும் தடிப்பு, தசை­வலி, சோர்வு, சொறி, கடும் வெப்­பத்­தா­லும் நீர்ச்­சத்­துக் குறை­வா­லும் ஏற்­ப­டக்­கூ­டிய சொறி, படை போன்­ற­வற்­றால் அதி­க­மா­னோர் பாதிக்­கப்­ப­டு­வ­தாக மருத்­து­வர்­கள் கூறு­கின்­ற­னர்.

வெளிப்­பு­றங்­களில் வேலை செய்­வோர் தலை­வலி, உடற்­சோர்வு, உடல்­வலி, தலைச்­சுற்­றல், கவ­னக்­கு­றைவு போன்­ற­வற்­றால் பாதிக்­கப்­பட அதிக வாய்ப்­புள்­ளது என்று ராஃபிள்ஸ் மருத்­துவ நிலை­யத்­தின் டாக்­டர் டெரிக் லீ சொன்­னார்.

"ஆனா­லும், வெப்­பம் மட்­டுமே இந்த அறி­கு­றி­க­ளுக்­குக் கார­ணம் என்று கூறு­வது கடி­னம். கொவிட்-19 தொற்­றும் டெங்கி காய்ச்­ச­லும் சமூ­கத்­தில் இருக்­கும்­போது, இவை­ அனைத்­தும் அது­போன்ற அறி­குறி­க­ளுக்­குக் கார­ண­மாக இருக்­கலாம்," என்­றார் டாக்­டர் லீ.

பெரிய அள­வி­லான விளை­யாட்டு நட­வ­டிக்­கை­கள் இடம்­பெறத் தொடங்கி இருப்­ப­தா­லும், அடுத்த சில வாரங்­களில் வெப்­பம் சார்ந்த பாதிப்­பு­கள் அதி­க­ரிக்­க­லாம் என எதிர்­பார்ப்­ப­தா­க­வும் அவர் கூறி­னார்.

இவ்­வாண்டு ஏப்­ரல், மே மாதங்­களில் வெப்­ப­நிலை உச்ச அள­வில் பதி­வா­னது. கடந்த ஏப்­ரல் 1ஆம் தேதி, அட்­மி­ரல்­டி­யில் இரண்­டா­வது அதி­க­பட்ச அள­வாக 36.8 டிகிரி செல்­சி­யஸ் வெப்­ப­நிலை பதி­வா­னது. 1983 ஏப்­ரல் 17ஆம் தேதி தெங்­கா­வில் 37 டிகிரி செல்­சி­யஸ் பதி­வா­னதே சிங்­கப்­பூ­ரின் அதி­க­பட்ச வெப்­ப­நிலை.

அது­போல, இதற்­கு­முன் மே மாதத்­தில் இல்­லாத அள­வாக இம்­மா­தம் 13ஆம் தேதி அட்­மி­ரல்­டி­யில் 36.7 டிகிரி செல்­சி­யஸ் வெப்­ப­நிலை பதி­வா­னது.

வெப்­பத்தின் தாக்­கத்­தைத் தவிர்க்க: தளர்­வான, மெல்­லிய, ஈரம் உறிஞ்­சும் ஆடை­க­ளை­யும் தொப்­பி­யை­யும் அணியலாம். காலை 9 மணி­யில் இருந்து பிற்­பகல் 4 மணி­வரை வெளிப்­புற நட­வ­டிக்­கை­க­ளைத் தவிர்க்­க­லாம். நாளொன்­றுக்­குக் குறைந்­தது இரண்டு லிட்­டர் நீர் அருந்­துங்­கள். முடிந்த அள­விற்­குச் சூடான உணவு­க­ளை­யும் பானங்­க­ளை­யும் தவிர்க்­க­லாம். அதே­போல, அதி­கச் சர்க்­க­ரை­யும் மது அளவும் அதிகம் உள்ள பானங்­க­ளைத் தவிர்க்க வேண்டும்.