தடையை மீறி வடகொரியாவுக்கு ஏற்றுமதி; மொத்த விற்பனையாளர் மீது குற்றச்சாட்டு

வட­கொ­ரி­யா­வுக்கு ஏறக்­கு­றைய 341,000 வெள்ளி மதிப்­பி­லான 'போக்கா' பானங்­களை ஏற்­று­மதி செய்­த­தாக மொத்­த­விற்­பனை விநி­யோ­கிப்­பா­ளர் மீது குற்­றம்­சாட்­டப்­பட்­டுள்­ளது.

ஐக்­கிய நாட்டு நிறு­வ­னம் வட­கொ­ரியா மீது தடை விதித்­த­தை­ய­டுத்து 2017ஆம் ஆண்டு நவம்­பர் மாதத்­தி­லி­ருந்து அந்­நாட்­டு­ட­னான வர்த்­த­கத் தொடர்­பு­கள் அனைத்­தை­யும் சிங்­கப்­பூர் அதி­கா­ர­பூர்­வ­மாக ரத்து செய்­து­விட்­டது.

இந்­நி­லை­யில், இறக்­கு­மதி, ஏற்­று­மதி விதி­மு­றை­க­ளின்­கீழ் '123 டியூட்டி ஃப்ரீ' நிறு­வ­னத்­தின்­மீது நேற்று ஐந்து குற்­றச்­சாட்­டு­கள் சுமத்­தப்­பட்­டுள்­ளன.

இந்­நி­று­வ­னம் வட­கொ­ரி­யா­வுக்கு 'போக்கா மில்க் காஃபி', 'போக்கா மெலன் மில்க்' உள்­ளிட்ட 'போக்கா' பானங்­களை ஏற்­று­மதி செய்­த­தாக நீதி­மன்­றத்­தில் கூறப்­பட்­டது.

2018ஆம் ஆண்டு ஏப்­ரல் 10ஆம் தேதிக்­கும் ஆகஸ்ட் 8ஆம் தேதிக்­கும் இடை­யில் இந்த ஏற்­று­ம­தி­கள் இடம்­பெற்­ற­தா­கக் கூறப்­பட்­டது.

அடுத்த மாதம் 27ஆம் தேதி இந்த வழக்கு விசா­ர­ணைக்கு வரும். குற்­றம் நிரூ­பிக்­கப்­பட்­டால் 123 டியூட்டி ஃப்ரீ நிறு­வ­னத்­திற்கு அதி­க­பட்­சம் 100,000 வெள்ளி அல்­லது ஏற்­று­மதி செய்­யப்­பட்ட பொருள்­க­ளின் விலை­யைப் போல மூன்று மடங்கு தொகை என இரண்­டில் எது அதி­கமோ அந்­தத் தொகை அப­ரா­த­மாக விதிக்­கப்­ப­ட­லாம்.

2018ஆம் ஆண்டு ஆகஸ்ட் மாதம் வட­கொ­ரி­யா­வுக்கு ஏற்­று­மதி செய்த விவ­ரங்­களை மறைக்­கும்­படி 'போக்கா சிங்­கப்­பூர்' அதன் விநி­யோ­கிப்­பா­ள­ருக்கு நெருக்­கு­தல் தந்­த­தாக, 2019 ஆகஸ்ட்­டில் 'என்கே நியூஸ்' செய்தி நிறு­வ­னம் தக­வல் வெளி­யிட்­டி­ருந்­தது. வர்த்­த­கத் தடையை மீறி வட­கொ­ரி­யா­வில் விற்­ப­னை­யா­ளர்­களை அது தேடி­வரு­வ­தா­க­வும் அதற்கு முன்­னர் கூறப்­பட்­டி­ருந்­தது.

அது­கு­றித்து விசா­ரணை இடம்­பெ­று­வ­தாக வெளி­யு­றவு அமைச்சு அப்­போது ஸ்ட்­ரெய்ட்ஸ் டைம்­சி­டம் தெரி­வித்­தி­ருந்­தது.

வட­கொ­ரி­யா­வுக்கு சட்­ட­வி­ரோ­த­மா­கப் பொருள்­களை ஏற்­று­மதி செய்ய முயற்சி செய்­த­தாக 2018 ஆம் ஆகஸ்ட் மாதம் வெளி­வந்த ஊட­கச் செய்­தி­களை 'போக்கா சிங்­கப்­பூர்' நிறுவனம் அப்போது மறுத்­தது.