மாணவர் முரசு
இ-பேப்பர்
யூனிவர்சல் ஸ்டூடியோஸ் சிங்கப்பூரின் புதிய அம்சமான மினியன் லேண்ட்டை அமைப்பதற்கான
கட்டுமானப் பணிகள் நேற்று தொடங்கின.
சிங்கப்பூரின் சுற்றுப்பயணத் துறையை மீண்டும் உயிர்ப்பிக்க மேற்கொள்ளப்படும் நடவடிக்கைகளில் இதுவும் ஒன்று.
'டெஸ்பிக்கபல் மீ' திரைப்படங்களில் வரும் மினியன்ஸ் கதாபாத்திரங்களைக் கருப்பொருளாகக் கொண்டு இந்தப் புதிய அம்சம் அமைக்கப்படுகிறது.
2024ஆம் ஆண்டில் இது திறக்கப்படும் என்று தெரிவிக்கப்பட்டுள்ளது. முன்பு இருந்த மடகாஸ்கார் தளத்துக்குப் பதிலாக இந்த மினியன் லேண்ட் இடம்பெறும்.
நேற்று நடைபெற்ற அடிக்கல் நாட்டு விழாவில் வர்த்தக, தொழில் துணை அமைச்சர் ஆல்வின் டான் கலந்துகொண்டார்.
"கொவிட்-19 நெருக்கடி
நிலைக்கு முன்பு ஓர் ஆண்டுக்கு நான்கு மில்லியன் பேர் வருகை அளித்தனர்.
"தற்போது பயணக் கட்டுப்பாட்டுகள் தளர்த்தப்பட்டுள்ளதால் செந்தோசாவில் உள்ள யூனிவர்சல் ஸ்டூடியோசுக்கும் மினியன் லேண்ட்டுக்கும் மேலும் பலர் வருவார்கள் என நம்புகிறேன்," என்று திரு டான் தெரிவித்தார்.
புதிய வரவான மினியன் லேண்ட்டுக்கான கட்டுமானப் பணிகள் நீடித்த நிலைத்தன்மை திட்டங்களுக்கு உட்பட்டு மேற்கொள்ளப்படும் என்று தெரிவிக்கப்
பட்டது.