மாணவர் முரசு
இ-பேப்பர்
ஒட்டுமொத்த விற்பனைத் திட்டத்தின்கீழ் லேக்சைட் அபார்ட்மெண்ட்ஸ் கொண்டோமினியம் $273.89 மில்லியனுக்கு விற்கப்பட்டுள்ளது. இது குடியிருப்பாளர்களால் எதிர்பார்க்கப்பட்ட $240 மில்லியனைவிட 14 விழுக்காடு அதிகம். 9E, 9F யுவான் சிங் சாலையில் உள்ள இந்தத் குடியிருப்பு மேற்கொண்ட இரண்டாவது ஒட்டுமொத்த விற்பனை முயற்சி வெற்றி கண்டுள்ளது.
ஜூரோங் லேக் கார்டன்ஸ் மற்றும் ஜூரோங் ஏரி வட்டாரத்துக்கு அருகில் உள்ள இந்த 12 வீடுகளைக் கொண்ட குடியிருப்பு 99 ஆண்டுகள் குத்தகைக்காலத்தைக் கொண்டுள்ளது.
45 ஆண்டுகள் குத்தகைக்காலம் எஞ்சியிருப்பதாகத் தெரிவிக்கப்பட்டது.
சிங்கப்பூரைச் சேர்ந்த விங் டாய் ஹோல்டிங்சின் துணை நிறுவனமான வின்வில் இன்வெஸ்ட்மெண்ட் நிறுவனத்திடம் லேக்சைட் அபார்ட்மெண்ட்ஸ் விற்கப்பட்டுள்ளது.
லேக்சைட் அபார்ட்மெண்ட்ஸ் குடியிருப்பு அமைந்துள்ள இடத்தின் பரப்பளவு 12,465.4 சதுர மீட்டராகும். அந்த நிலத்தில் 300க்கும் அதிகமான வீடுகளைக் கொண்ட குடியிருப்பைக் கட்ட வின்வில் இன்வெஸ்ட்மெண்ட் திட்டமிட்டுள்ளது.
அந்த வீடுகளிலிருந்து பார்க்கும்போது ஜூரோங் லேக் கார்டன்ஸ், சைனிஸ் கார்டன்ஸ், ஜப்பனிஸ் கார்டன்ஸ் ஆகியவை தெரியும் என்று தெரிவிக்கப்பட்டது. தற்போதுள்ள லேக்சைட் அபார்ட்மெண்ட்ஸ் குடியிருப்பில் இருக்கும் மூன்று படுக்கையறை வீடுகளின் உரிமையாளர்களுக்குத் தலா ஏறத்தாழ $2.28 மில்லியன் கிடைக்க இருப்பதாக சொத்து முகவையான பிரோப்நெக்ஸ் கூறியது.
இரண்டாவது மத்திய வர்த்தக வட்டாரமாக அமைக்கப்பட இருக்கும் ஜூரோங் லேக் வட்டாரத்தில் லேக்சைட் அபார்ட்மெண்ட்ஸ் குடியிருப்பு இருக்கிறது.
புதிதாக அமைக்கப்பட இருக்கும் ஜூரோங் புத்தாக்க வட்டாரத்தை கார் மூலம் பத்து நிமிடங்களில் அடைந்துவிடலாம். அதுமட்டுமின்றி, அவ்விடம் லேக்சைட் எம்ஆர்டி நிலையம் அருகில் உள்ளது.