சாலைப் பாதுகாப்பை மேம்படுத்த உதவும் பதாகைகள்

சாலைப் பாது­காப்பு இயக்­கத்­தின் ஒரு பகு­தி­யாக, சிங்­கப்­பூ­ரில் உள்ள அனைத்து தொடக்­கப்­பள்­ளி­களிலும் சாலைப் பாது­காப்பு பதா­கை­கள் வைக்­கப்­படும்.

சாலை விபத்­து­க­ளின்போது ஏற்பட்ட விளை­வு­க­ளைக் காட்­டும் பதா­கை­களும் சாலை­கள் வழி­யாக உள்ள விளக்­குக் கம்­பங்­களில் வைக்­கப்­படும்.

'சிங்­கப்­பூர் சாலைப் பாது­காப்பு மாதம் 2022' இயக்­கத்­தின் தொடக்க நிகழ்ச்­சி­யின்­போது சிங்­கப்­பூர் சாலைப் பாது­காப்பு மன்­ற­மும் போக்கு­வ­ரத்­துக் காவல்­து­றை­யும் நேற்று அறி­வித்த சில திட்­டங்­களில் இவை அடங்­கும்.

பாய லேபா­ரில் உள்ள போக்கு­வரத்­துக் காவல்­துறை தலை­மை­ய­கத்­தில் நடை­பெற்ற இந்­தத் தொடக்க நிகழ்ச்­சி­யில் பேசிய உள்­துறை துணை அமைச்­சர் முகம்­மது ஃபைசால் இப்­ரா­ஹிம், கால­வோட்­டத்­தில் சிங்­கப்­பூ­ரில் உள்ள சாலை­கள் பாது­காப்­பா­ன­தாக இருந்து வரு­வ­தா­கச் சொன்­னார்.

"2010ல் சாலை விபத்­து­களில் 193 பேர் உயி­ரி­ழந்­த­னர். 2019ல் இந்த எண்­ணிக்கை 118ஆக பதி­வா­னது," என்று அவர் சொன்­னார்.

"கடந்த ஆண்டு சாலை விபத்து­களில் சிக்கி 107 பேர் உயி­ர் இ­ழந்­த­னர். கொவிட்-19 பெருந்­தொற்றுச் சூழ­லில் கட்­டுப்­பா­டு­கள் கார­ண­மாக சாலை­களில் வாக­னப் போக்­கு­வ­ரத்து குறைந்­தது இதற்­கான கார­ணங்­களில் அடங்­கும். என்­ற­போ­தி­லும், சாலைப் பாது­காப்­பில் நில­வும் போக்கு நம்­பிக்கை அளிக்­கிறது. சாலைப் பாது­காப்­பில் நாம் மேற்­கொண்டு வரும் முயற்­சி­கள் பலன் தந்­துள்­ளதை அது காட்­டு­கிறது," என்­றார் அவர்.

சாலைப் பாது­காப்பு ஆர்­வ­லர்­களாக தொண்­டூ­ழி­யம் புரிய விரும்பும் பொது­மக்­க­ளுக்­கான திட்­டம் ஒன்று நேற்று தொடங்கி வைக்­கப்­பட்­டது.