மாணவர் முரசு
இ-பேப்பர்
சிங்கப்பூரின் எண்ணெய் சாராத ஏற்றுமதி, ஆண்டுக்காண்டு அடிப்
படையில் சென்ற மாதம் 12.4 விழுக்காடு என்னும் வேகமான வளர்ச்சி கண்டது.
ஐந்து மாதங்களின் மெதுவான வளர்ச்சிக்குப் பின்னர் இந்த வேகம் பதிவானதாக என்டர்பிரைஸ் சிங்கப்பூர் அமைப்பு நேற்று தெரிவித்தது.
ஏப்ரல் மாதத்தில் ஏற்றுமதி 6.4 விழுக்காடு அதிகரித்தது. மே மாதத்தில் 7.5 விழுக்காடு வளர்ச்சி இருக்கும் என்று புளூம்பெர்க் நடத்திய ஆய்வில் பகுப்பாய்வாளர்கள் முன்னுரைத்து இருந்த இடைநிலை வளர்ச்சியையும் மிஞ்சி 12.4 விழுக்காடு பதிவானதாக அந்த அமைப்பு தெரிவித்தது.
மின்னணு சாராத சரக்குகளின் ஏற்றுமதி இந்த வளர்ச்சிக்குப் பெரிதும் கைகொடுத்தது.
ஆண்டுக்காண்டு அடிப்படையின் மின்னணு சாராத சரக்கு
களின் ஏற்றுமதி 12.2 விழுக்காடு கூடியது. அதற்கு முந்திய மாதம் இதில் கிட்டத்தட்ட மூன்றில் ஒரு பகுதி, அதாவது 4.6 விழுக்காடு ஏற்றுமதி வளர்ச்சி மட்டுமே பதிவானது.
மின்னணு சாராத பொருள்
களின் ஏற்றுமதி வளர்ச்சிக்கு தனித்துவமான இயந்திரங்கள் மற்றும் அளவிடும் சாதனங்கள் பெரிதும் உதவின.
மின்னணு துறையின் ஏற்று
மதியும் ஆண்டுக்காண்டு அடிப்
படையில் மே மாதம் 12.9 விழுக்காடு அதிகரித்தது. ஏப்ரல் மாதத்தின் 12.8 விழுக்காட்டைக் காட்டிலும் சற்று அதிகமான அளவு இது. இந்தத் துறையின் அதிகமான ஏற்றுமதிக்கு ஒருங்கிணைந்த மின்சுற்றுகள், அதன் பாகங்கள், கணினி வட்டு ஊடகத் தயாரிப்புகள் ஆகியன கைகொடுத்தன.
இருப்பினும், மருந்தியல் துறை இரண்டாவது மாதமாக வீழ்ச்சி கண்டது. ஏப்ரல் மாதம் 6 விழுக்காடு இறங்கிய அதன் ஏற்றுமதி சென்ற மாதம் 8.6 விழுக்காடு என்னும் பெரிய வீழ்ச்சியைச் சந்தித்தது.
பருவத்திற்கே சரிசெய்யப்பட்ட மாத அடிப்படையிலான, எண்ணெய் சாராத ஏற்றுமதி மே மாதம் 3.2 விழுக்காடு உயர்ந்து $17.1 பில்லியன் என்னும் அளவைத் தொட்டது. இது, ஏப்ரல் மாதம் 3.3 விழுக்காடு சரிவைச் சந்தித்து இருந்தது.