தேசிய தின அணிவகுப்பு 2022க்கான நுழைவுச்சீட்டுகளைப் பெறுபவர்களுக்கு இம்மாதம் 27ஆம் தேதியிலிருந்து ஜூலை மாதம் 1ஆம் தேதி வரை அது
குறித்து தகவல் அனுப்பப்படும்.
விண்ணப்பம் செய்யும்போது பதிவு செய்யப்பட்ட மின்னஞ்சல் முகவரி மூலம் அவர்கள் தகவல் பெறுவர்.
ndp2022@hapz.com எனும் மின்னஞ்சல் முகவரி மூலம்
மட்டுமே நுழைவுச்சீட்டு குறித்து தகவல் அனுப்பப்படும் என்று அணிவகுப்பின் ஏற்பாட்டுக் குழு நேற்று தெரிவித்தது.
வேறு மின்னஞ்சல் முகவரிகள் அல்லது குறுஞ்செய்தி போன்ற மற்ற தளங்கள் மூலம் தகவல் அனுப்பப்படாது என்று தெரிவிக்கப்பட்டுள்ளது.
அடுத்த மாதம் 8ஆம் தேதியிலிருந்து 10ஆம் தேதி வரை, அடுத்த மாதம் 15ஆம் தேதியிலிருந்து 17ஆம் தேதி வரை விண்ணப்பதாரர்கள் தங்கள் நுழைவுச்சீட்டுகளைப் பெற்றுக்கொள்ளலாம்.
மின்னஞ்சல் மூலம் அவர்
களுக்குக் கூடுதல் விவரங்கள் அனுப்பப்படும். நுழைவுச்சீட்டு
களைப் பெறும்போது மின்னஞ்சல் மூலம் அனுப்பிவைக்கப்படும் கியூஆர் குறியீட்டை அவர்கள் காட்ட வேண்டும்.
மேல் குறிப்பிடப்பட்டுள்ள தேதிகளில் நுழைவுச்சீட்டுகளைப் பெற்றுக்கொள்ள முடியாதவர்கள் அவர்கள் சார்பாக அவற்றைப் பெற குடும்ப உறுப்பினரையோ அல்லது நண்பரையோ அனுப்பலாம். அதற்க முன்பு அவர்களிடம் கியூஆர் குறியீடு அனுப்பப்பட்ட மின்னஞ்சலை அவர்
களுக்கு மறவாமல் அனுப்பிவிட வேண்டும்.
கியூஆர் குறியீட்டைப் பயன்
படுத்தி ஒருமுறை மட்டுமே நுழைவுச்சீட்டுகளைப் பெற்றுக்கொள்ள முடியும்.
தங்களுக்காக ஒதுக்கப்பட்ட நுழைவுச்சீட்டுகளை விண்ணப்பதாரர்கள் ஜூலை மாதம் 17ஆம் தேதிக்குள் பெற்றுக்கொள்ளா
விடில் அதன்பிறகு அவர்களுக்கு அவை வழங்கப்படாது.
அணுவகுப்பை நேரில் பார்ப்
பவர்கள் முழுமையாகத் தடுப்பூசி போட்டுக்கொண்டவர்களாக இருக்க வேண்டும்.
அல்லது தேசிய தடுப்பூசித் திட்டத்தின்கீழ் போடப்படும் தடுப்பூசிகளைப் போட்டுக்கொள்ள மருத்துவ ரீதியில் தகுதி இல்லாதவர்கள் என்று சான்றிதழ் வழங்கப்பட்டவர்களாக இருக்க வேண்டும்.
12 வயதுக்கும் குறைவானவர்களாக இருந்தால் தடுப்பூசி போட்டுக்கொண்டவர்களும் போட்டுக்கொள்ளாதவர்களும் அணி
வகுப்பை நேரில் காணலாம்.
அணிவகுப்பு, முன்னோட்ட நிகழ்ச்சிகள் ஆகியவற்றுக்கான நுழைவுச்சீட்டுகளை விற்க அனுமதி இல்லை. அவ்வாறு செய்பவர்களுக்கு எதிராக கடுமையான நடவடிக்கை எடுக்கப்படும்.
அணிவகுப்பு தொடர்பாக மேல் விவரங்கள் தேவைப்பட்டால் அணிவகுப்பின் அதிகாரபூர்வ இணையப்பக்கத்தை நாடலாம்.
அணிவகுப்புக்கான நுழைவுச்சீட்டுகள் குறித்து கருத்துகள் அல்லது பரிந்துரைகள் தெரிவிக்க விரும்புவோர் ndpeeps@defence.gov.sg எனும் மின்னஞ்சல்
முகவரிக்கு அனுப்பிவைக்கலாம்.