ஆபாசக் காணொளி, படங்கள் தொடர்பில் ஆடவருக்குச் சிறை, அபராதம்

சிங்­கப்­பூ­ரின் வெவ்­வேறு இடங்­களில் பெண்­களை ஆபா­ச­மா­கப் பட­மெ­டுத்த ஆட­வ­ருக்கு நேற்று ஓராண்­டுச் சிறைத்­தண்­ட­னை­யு­டன் 2,500 வெள்ளி அப­ரா­த­மும் விதிக்­கப்­பட்­டது.

சிங்­கப்­பூ­ர­ரான அவர், குற்­றச்­செ­ய­லில் ஈடு­பட்­ட­போது பிரிட்­ட­னைச் சேர்ந்த பல்­க­லைக்­க­ழ­கத்­தில் பயின்­ற­தா­கக் கூறப்­பட்­டது.

கோலின் சுவா யி ஜின், 12 பெண்­களை ஆபா­ச­மா­கப் பட­ம் எடுத்­த­தா­கக் கூறப்­பட்­டது. இதன் தொடர்­பில் சுமத்­தப்­பட்ட ஏழு குற்­றச்­சாட்­டு­களை சென்ற ஆண்டு ஜுலை 29ஆம் தேதி அவர் ஒப்­புக்­கொண்­டார்.

ஹோட்­டல் கழிப்­பறை, தனது வீட்­டுக் கழிப்­பறை உள்­ளிட்ட இடங்­களில் அவர் பட­மெ­டுக்­கும் கரு­வியை ரக­சி­ய­மா­கப் பொருத்தி காணொ­ளி­க­ளைப் பதி­வு­செய்­தார். மின்­ப­டி­களில் பெண்­களை அவர் ஆபா­ச­மா­கப் பட­மெ­டுத்­த­தா­க­வும் கூறப்­பட்­டது.

முன்­ன­தாக 2016ஆம் ஆண்­டுக்­கும் 2019ஆம் ஆண்­டுக்­கும் இடையே அளிக்­கப்­பட்ட புகார்­களைத் தொடர்ந்து காவல்துறை அதி­கா­ரி­கள் சுவாவை அடை­யா­ளம் கண்­ட­னர்.

2019ஆம் ஆண்டு ஜூலை 3ஆம் தேதி சுவா­வின் வீட்­டில் நடத்­திய சோத­னை­யில் ஏழு சாத­னங்­கள் பறி­மு­தல் செய்­யப்­பட்­டன. அவற்­றில் 16 ஆபா­சக் காணொ­ளி­களும் 124 படங்­களும் இருந்­த­தா­கக் கூறப்­பட்­டது. காணொ­ளி­களில் பெரும்­பா­லா­னவை சுவா­வின் வீட்­டில் எடுக்­கப்­பட்­டவை.

ஆபா­சப் படங்­க­ளைப் பார்க்­கத் தூண்­டும் மன­ந­லக் கோளாற்­றுக்­காக சுவா சிகிச்சை பெறு­வ­தா­கக் கூறப்­பட்­டது.