மாணவர் முரசு
இ-பேப்பர்
சிங்கப்பூரில் குறைந்த விலையில் டுரியான் பழங்களின் விற்பனை சூடுபிடித்துள்ளது.
இந்தப் பருவத்தில் நல்ல விளைச்சல் என்பதால் ஜோகூர், பாகாங் ஆகியவற்றில் இருந்து தருவிக்கப்பட்ட டுரியான்கள் கடைகளில் குவிக்கப்பட்டுள்ளன.
ஒன்றரை முதல் இரண்டு கிலோ எடையுள்ளவை முதல் தரமான பழங்களாக வகைப்படுத்தப்படும்.
வழக்கமாக இவை ஒவ்வொன்றும் $20 முதல் $25 வரை விற்பனையாகும்; இப்போது சிறிய அளவிலான டுரியான்கள் பத்து வெள்ளிக்கே கிடைக்கின்றன.
எப்போதும் தரமான டுரியான் பழங்களே தங்கள் தெரிவு என்று கூறும் வாடிக்கையாளர்கள் தற்போது மலிவாகக் கிடைக்கும் பழங்களில் சுளைகள் குறைவு என்பதைச் சுட்டினர். விற்பனை கிடுகிடுவென உயர்ந்ததில் கடைக்காரர்களுக்கு மகிழ்ச்சி.
நேற்று முன்தினம் அங் மோ கியோ கடை ஒன்றில் 2,000 கிலோகிராமுக்கும் அதிகமான டுரியான்கள் விற்பனையாயின.