மின்பந்தயத்திலும் கல்வியிலும் உச்சம் எட்ட கிடைத்திருக்கும் இரட்டை உபகாரச் சம்பளம்

மோனலிசா

பிள்ளைகளின் எதிர்காலத்தை மின்பந்தயம் கெடுத்துவிடும் என்று பயப்படும் பெற்றோருக்கும் ஆசிரியர்களுக்கும் சமூகத்திற்கும் அதுகுறித்த கவலை தேவையற்றது என்பதை காட்டும் நல்ல உதாரணமாக இருக்க விரும்புகிறார் மின்பந்தயத் துறையில் இரட்டை உபகாரச் சம்பளத்தைப் பெற்ற

ஆர். முகம்மது அலீஃப், 23.

மின்பந்தய துறையின் மாணவ விளையாட்டு வீரர்களை ஊக்கு விக்கும் வண்ணம், முதல்முறையாக ரஹால் லெட்டர்மேன் பந்தய அணியின் ரஹால் லெட்டர்மேன் லணிகன் பந்தய உபகாரச் சம்பளம் வழங்கப்பட்டது. அதை அலீஃப் பெற்றார். அத்துடன் பால் ஸ்டேட் பல்கலைக்கழகத்தின் பிஎஸ்யு உபகாரச் சம்பளமும் அவருக்குக் கிடைத்துள்ளது.

இந்த உபகாரச் சம்பளத்தைப் பெற்ற முதல் சிங்கப்பூரர் எனும் பெருமை அலீஃபைச் சேரும். எஃப்1 கார் பந்தய ஓட்டுநராவதே இவரது இலட்சியம்.

நான்கு வயதிலிருந்தே 'பிளே ஸ்டேசன்' என்னும் மின்வழி விளையாட்டுகளில் அதீத ஆர்வமும் ஆசையும் கொண்ட இவர் கடந்த 13 ஆண்டுகளாக உலகம் முழுவதும் நடைபெறும் பல்வேறு மெய்நிகர் கார் பந்தயங்களில் 'டீம் ஃபிளாஷ்' என்னும் அணியைப் பிரதிநிதித்து விளையாடி பல வெற்றிகளைக் குவித்துள்ளார்.

"பெரும்­பா­லான பெற்­றோ­ரைப் போல் இல்­லாது என்­னு­டைய பெற்­றோர் என் கன­விற்­குத் துணை நின்­ற­னர்.

"மின்­பந்­த­யம் என்­றாலே அது மாண­வர்­க­ளின் கல்­வி­சார் வளர்ச்­சியைப் பாதிக்­கும் என அவர்­கள் கரு­த­வில்லை. அதே சம­யம் நான் படிப்­பி­லும் சிறந்து விளங்க வேண்­டும் என்று கண்­டிப்­பு­டன் இருந்த அவர்­க­ளின் ஒத்­து­ழைப்­பும் அக்­

க­றை­யுமே என்­னு­டைய வெற்­றிக்கு அடித்­த­ள­மாக அமைந்­தது.

"படிப்­பி­லும் கவ­னம் குறை­யா­மல், பிற துறை­க­ளைப் போல மின்­பந்­த­யத் துறை­யி­லும் வளர்ச்சி கண்டு வெற்றி காண முடி­யும்," என்று மிகுந்த முனைப்­பு­டன் அலீஃப் தெரி­வித்­தார்.

தெமா­செக் பல்­து­றைத் தொழிற்­கல்­லூ­ரி­யில் இயந்­திர மின்­ன­ணு­வி­யல் பட்­ட­யக் கல்வி பயின்ற அலீஃப், இந்த உப­கா­ரச் சம்­ப­ளத்­தைப் பயன்­ப­டுத்தி அமெ­ரிக்­கா­வில் உள்ள பால் ஸ்டேட் பல்­க­லைக்­க­ழ­கத்­தில் நான்கு ஆண்டு வணி­கப் பகுப்­பாய்வு இளங்­கலை பட்­டக் கல்வி பயில திட்­ட­மிட்­டுள்­ளார்.

அந்த நான்கு ஆண்­டு­களில் பால் ஸ்டேட் பல்­க­லைக்­க­ழ­கத்­தைப் பிர­தி­நிதித்து மெய்­நி­கர் கார்

பந்­த­யங்களில் அலீஃப் கள­மி­றங்க இருக்­கி­றார். மேலும் பால் ஸ்டேட் பல்­க­லைக்­க­ழ­கத்தில் அதி­ந­வீன மின்­பந்­தய மையத்­தில் பயிற்சி செய்­யும் வாய்ப்பை அவர்

பெற்­றுள்­ளார்.

"அலீ­ஃபிற்குக் கிடைத்துள்ள இந்த வாய்ப்பு மின்­பந்­த­யத்­தில் ஆர்­வம் கொண்ட பல சிங்­கப்­பூர் சிறு­வர்­க­ளுக்கு ஊக்­கு­விப்­பாக அமை­யும். விடா­மு­யற்­சி­யும் கடின உழைப்­பும் இருந்­தால் மின்­பந்­த­யத் துறை­யில் சாதிக்க முடி­யும் என்­ப­தற்கு இவர் ஓர் உதா­ர­ணம்" என்று 'டீம் ஃபிளாஷ்' அணி­யின் தலைமை நிர்­வாக அதி­காரி மார்க் சியூ மகிழ்ச்சியுடன் தெரிவித்தார்.