கிருமித்தொற்றால் குழந்தை உயிரிழப்பு: மிக அரிதான சம்பவம்

கொவிட்-19 கிரு­மித்­தொற்­றால் உயி­ரி­ழந்த ஒன்­றரை வய­துக் குழந்தையின் மரணம் மிக அரிதானது என்று மருத்துவர்கள் கூறியுள்ளனர்.

குழந்தை ‘என்­செ­ஃபா­லி­டிஸ்’ எனப்­படும் மூளை வீக்­கத்­தால் உயி­ரி­ழந்­த­தாக சுகாதார அமைச்சு குறிப்­பிட்­டிருந்தது. குழந்­தைக்கு கொவிட்-19 கிரு­மி­யு­டன் மேலும் இரண்டு கிரு­மி­கள் தொற்­றி­யிருந்ததாக அமைச்சு தெரிவித்தது.

மூன்று வெவ்வேறு கிருமித் தொற்று ஒரே சமயத்தில் ஏற்படுவது மிகவும் அரிதானது என்று அனைத்துலக தொற்றுநோய்ச் சங்கத்தின் தலைவரான பேராசிரியர் பால் தம்பையா கருத்துரைத்தார். மாண்ட குழந்தைக்கு ஒரு விதமான நோய் எதிர்ப்பு சக்தி பிரச்சினை இருந்திருக்கக்கூடும் என அவர் கூறினார்.

கொவிட்-19 கிருமித் தொற்றினால் மட்டுமே குழந்தை மாண்டிருக்க சாத்தியம் இல்லை என தாம்சன் குழந்தை மருத்துவ நிலையத்தின் குழந்தை மருத்துவர் டாக்டர் லிம் யாங் செர்ன் குறிப்பிட்டார். பல கிருமிகள் ஒன்றுசேர்ந்து குழந்தையின் நோய் எதிர்ப்பு சக்தியைப் பாதித்திருக்கக்கூடும் என அவர் சொன்னார்.

இம்­மா­தம் 21ஆம் தேதி கேகே சிறார், மக­ளிர் மருத்­து­வ­ம­னை­யின் அவ­ச­ரச் சிகிச்­சைப் பிரி­வுக்­குக் குழந்தை கொண்­டு­செல்­லப்­பட்டான். குழந்தை பின்­னர் சுய­நி­னைவை இழக்க மறு­நாள் தீவிர சிகிச்­சைப் பிரி­வுக்கு மாற்­றப்­பட்­டான். பிள்­ளை­யின் மூளை வீங்­கி­யி­ருப்­ப­தா­கக் கூறிய மருத்­து­வர்­கள் அத­னைச் சரி­செய்ய ஏதும் செய்ய இய­லாது என்­றும் தெரி­வித்­த­னர்.

உலகில் கிருமித் தொற்றால் ஏற்பட்ட 4.4 மில்லியன் மரணங்களில் 0.4 விழுக்காடு 20 வயதுக்குக் குறைவானவர்களிடையே நிகழ்ந்ததாக ஐக்கிய நாட்டின் சிறார் நிதியமைப்பின் புள்ளிவிவரங்கள் காட்டுகின்றன.

பெரும்பாலான சிறுவர்களுக்கு கிருமித் தொற்றும்போது வழக்கமான சளி, காய்ச்சல், இருமல், உடல் வலி போன்ற அறிகுறிகள் ஏற்படும். சில சிறார்களுக்கு ஆஸ்துமா, வலிப்பு, மூச்சுத்திணறல் போன்ற பிரச்சினைகள் ஏற்படலாம் எனக் கூறப்பட்டது.

அரசாங்கம் பரிந்துரைக்கும்போது, சிறுவர்களும் கொவிட்-19 தடுப்பூசி போட்டுக்கொள்ளுமாறு மருத்துவர்கள் அறிவுறுத்தினர். தொற்று பாதிப்பால் ஏற்படக்கூடிய கடும் விளைவுகளிலிருந்து அது பாதுகாப்பு அளிக்கும் எனக் கூறப்பட்டது.