பல ஆயிரம் பேர் காப்பாற்றப்படுகின்றனர்

போதைப்பொருள் கடத்தல் குற்றத்திற்கு கட்டாய மரண தண்டனை விதிக்கப்படுவது குறித்து அமைச்சர் சண்முகம் விளக்கம்

போதைப்பொருள் கடத்­தல் குற்­றத்­திற்­காக கட்­டாய மரண தண்­ட­னை விதிக்­கப்­ப­டு­வதை விமர்­சிப்­ப­வர்­கள் அது பல உயிர்­க­ளைக் காப்­பாற்­று­கிறது, சிங்­கப்­பூ­ரர்­களை பாது­காக்­கிறது என்­பதை கவ­னிக்­கத் தவறி விடு­கி­றார்­கள் என்று சட்ட, உள்­துறை அமைச்­சர் கா. சண்­முகம் தெரி­வித்து உள்­ளார்.

புதன்­கி­ழமை அன்று ஒளி­யேற்றப்­பட்ட 'பிபிசி ஹார்ட்டோக்' என்ற நிகழ்ச்­சிக்கு அவர் பேட்­டி­அளித்­தார்.

ஒரு­வ­ருக்கு மரண தண்­டனை விதிப்­ப­தையே பிபிசி பார்க்­கிறது. ஆனால் ஆயி­ரக்­க­ணக்­கான உயிர்­ க­ளைப் பாதிக்­கும் தென்­கி­ழக்கு ஆசி­யா­வில் உள்ள மோச­மான போதைப் பொருள் சூழ்­நி­லையை பார்க்­கத் தவ­று­கிறது என்று அவர் குறிப்­பிட்­டார்.

"போதைப்பொருள் கடத்­த­லுக்­காக ஒரு­வரை தூக்­கிலிடு­வது துய­ர­மாகிறது. அதே சம­யத்­தில் போதைப் பொரு­ளைப் பயன்­ப­டுத்து ­வ­தால் மில்­லி­யன் கணக்­கா­ன­வர்­கள் இறக்­கின்­ற­னர் என்­பது புள்ளி விவ­ரம்போல் ஆகிவிடுகிறது," என்று அமைச்­சர் சுட்­டிக்­காட்­டி­னார்.

போதைப்­பொ­ருள் கடத்­த­லுக்­கான கட்­டாய மர­ண­தண்­டனை விதிப்­பது சரி­யான கொள்­கையா என்­ப­தில் ஏதே­னும் சந்­தே­கம் உள்­ளதா என்று நேர்­கா­ணல் செய்த ஸ்டிவன் சாக்­கர் அமைச்­ச­ரி­டம் கேட்­டார்.

அதற்­குப் பதி­ல­ளித்த திரு சண்­மு­கம், போதைப்பொருள் கடத்­தலை தடுத்து நிறுத்­துவது தெளி­வாக தெரிவதால் மரண தண்­டனை விதிக்­கப்­ப­டு­கிறது என்­றார்.

"போதைப்பொரு­ளைக் கடத்­து ­ப­வர்­க­ளுக்கு பணம் தேவை. ஆனால் போதைப் பொரு­ளைப் பயன்­ப­டுத்­து­ப­வர்­க­ளின் வாழ்க்­கையை இது நாச­மாக்­கு­கிறது. அவர்­க­ளு­டைய குடும்­பத்­தை­யும் அழிக்­கிறது என்றார் அவர்.

2021ஆம் ஆண்­டின் உலக சுகா­தார நிறு­வ­னத்­தின் அறிக்கை ஒன்றை சுட்­டிக்­காட்­டிய அவர், ஒரே ஆண்­டில் 500,000 மர­ணங்­க­ளுக்கு போதைப் பொருள் தொடர்பு இருப்­ப­தாக அதில் தெரி­விக்­கப்­பட்­டுள்­ளது என்று குறிப்­பிட்­டார்.

அமெ­ரிக்­கா­வில் மித­மிஞ்­சிய போதைப் பொரு­ளைப் பயன்­ப­டுத்தி­ ய­தற்­காக ஓர் ஆண்­டில் 100,000 பேருக்கு மேல் இறக்­கின்­ற­னர். போதைப்பொருள் நெருக்­கடி கார­ண­மாக முதல் உல­கப் போருக்­குப் பிறகு முதல் முறை­யாக 2015ல் ஆயு­ளும் குறைந்­து­விட்­டது என்று மேலும் அமைச்­சர் தெரி­வித்­தார்.

போதைப்­பொ­ருள் கடத்­தல் கடுமையான பிரச்­சினை என்­பதை ஒப்­புக்கொண்ட திரு சாக்கர், ஆனால் அறி­வுத்­தி­றன் 69 என குறை­வாக இருந்த மலே­சி­ய­ரான நாகேந்­தி­ரன் தர்­ம­லிங்­கத்தை இவ்­வாண்டு முற்­ப­கு­தி­யில் தூக்­கி­லிட்­டது இரக்­க­மான செயலா என வினவினார்.

"நாகேந்­தி­ர­னுக்கு அற­வுத்­தி­றன் குறை­பாடு இருந்­த­தாக நீதி­மன்­றம் கண்­ட­றி­ய­வில்லை. இதனை அவ­ரது வழக்­க­றி­ஞர்­கள் அமர்த்­திய மன­நல நிபு­ணர்­கள் உறு­திப்­ப­டுத்தி­ யி­ருந்­த­னர். சிங்­கப்­பூ­ருக்­குள் போதைப் பொரு­ளைக் கொண்­டு­ வ­ரு­வ­தற்­கான முடிவை அவர் நன்கு ஆராய்ந்து எடுத்­தி­ருந்­தார்.

"2021 அக்­டோ­ப­ரில் அவ­ரது இறுதி மேல்­மு­றை­யீடு நிரா­க­ரிக்­கப்­பட்டபோது அமெ­ரிக்­கா­வில் இதேபோன்று அறி­வுத்­தி­றன் குறைந்த இரு­வர் தூக்­கி­லி­டப்­பட்­ட­னர். அப்­போது அவர்­க­ளு­டைய வழக்­க­றி­ஞர்­களும் இதே போன்று அறி­வுத்­தி­றன் குறைந்­த­வர்­கள் என்று வாதிட்­ட­னர்," என்று சண்­மு­கம் சொன்னார். அமெ­ரிக்­கா­வில் தூக்­கி­லி­டப்­பட்ட இரு­வ­ருக்­கும் நாகேந்­தி­ர­னுக்­கும் அறி­வுத்­தி­றன் குறை­பாட்­டில் இருந்த வித்­தி­யா­சம் என்ன என்று திரு சண்முகம் கேட்­டார். "1990களில் சிங்­கப்­பூ­ரில் ஆண்­டுக்கு 6,000 பேர் போதைப்ெ­பா­ரு­ளுக்­கா­கக் கைது செய்­யப்­பட்­ட­னர். இப்­போது இது, ஆண்­டுக்கு 3,000ஆக குறைந்­துள்­ளது.

"முப்­பது ஆண்­டு­க­ளுக்கு முன்பு இருந்ததைவிட இவ்­வட்­டா­ரத்­தி­லும் சிங்­கப்­பூ­ரி­லும் போதைப்­பொ­ருள் புழக்­கம் அதி­க­மாக இருக்கிறது. கடு­மை­யான தண்­டனை இல்­லை­யென்­றால் இதனை ஒழிக்க முடி­யாது. தென்­கி­ழக்கு ஆசி­யா­வில் சாதனை அளவாக கைப்­பற்­றப்­பட்ட ஒரு பில்­லி­யன் போதை மாத்­தி­ரை கைப்பற்றப்பட்ட சூழல் இங்கு உள்­ளது. அந்த நிலை­யில்­தான் சிங்கப் பூரும் உள்ளது. சிங்­கப்­பூ­ரின் கடு­மை­யா­னச் சட்­டம் ஆயி­ரக்­க­ணக்­கான உயிர்­க­ளைக் காப்­பாற்­றி­யி­ருக்­கிறது," என்று அமைச்­சர் சண்­மு­கம் வலியுறுத்தினார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!