வீவக, தனியார் கூட்டுரிமை வீடுகளின் வாடகை தொடர்ந்து ஏற்றம்

வீட­மைப்பு வளர்ச்­சிக் கழக வீடு­கள் மற்­றும் தனி­யார் கூட்­டு­ரிமை வீடு­க­ளின் வாடகை, கடந்த மாத­மும் புதிய உச்­சத்­தைத் தொட்­டது. இந்­நி­லை­யில் 24வது மாத­மாக வீவக வீட்டு வாட­கை­யும் 18வது மாத­மாக தனி­யார் கூட்­டு­ரிமை வீட்டு வாட­கை­யும் தொடர்ந்து ஏற்­றம் கண்­டன.

இதற்­கி­டையே, முதிர்ச்­சி­யடைந்த, முதிர்ச்­சி­ய­டையா வட்­டாரங்­கள் இரண்­டி­லும் வீடு­க­ளின் வாடகை அதி­க­ரித்­துள்­ள­தாக எஸ்­ஆர்­எக்ஸ் மற்­றும் 99.co சொத்து நிறு­வன இணை­ய­வா­சல்­க­ளின் முதற்­கட்­டப் புள்­ளி­வி­வ­ரங்­கள் குறிப்­பி­டு­கின்­றன.

இருப்­பி­னும், மே மாதத்­து­டன் ஒப்­பி­டு­கை­யில் கடந்த மாதம் வாட­கைக்கு விடப்­பட்ட வீவக வீடு­களின் எண்­ணிக்கை குறைந்­துள்­ள­தா­கத் தெரி­விக்­கப்­பட்­டது. மே மாதத்­தில் 1,516 வீடு­கள் வாட­கைக்கு விடப்­பட்­டன என்­றும் கடந்த மாதம் அந்த எண்­ணிக்கை 0.8% குறைந்து 1,395 என்­றா­னது என்­றும் அறி­யப்­ப­டு­கிறது.

இந்­நி­லை­யில் 4,175 தனி­யார் கூட்­டு­ரிமை வீடு­கள் கடந்த மாதம் வாட­கைக்கு விடப்­பட்­ட­தா­க­வும் மே மாதத்­தின் 3,989 வாடகை வீட்டு எண்­ணிக்­கை­யு­டன் ஒப்­பி­டு­கை­யில் ஜூன் மாதத்­தில் 4.7% அதி­க­ரிப்பு உள்ளது.

இத்­த­கைய வலு­வான தேவை இருக்­கும் நிலை­யில் தொடர்ந்து ஆண்­டின் இரண்­டா­வது பாதி­யிலும் வாடகை ஏற்­றம் காணும் என்று எதிர்­பார்க்­க­லாம் என்­கின்­ற­னர் சொத்­துச் சந்தை கவ­னிப்­பா­ளர்­கள்.

நம் எல்­லைக் கட்­டுப்­பா­டு­கள் தளர்த்­தப்­பட்­ட­தால் வெளி­நாட்­டி­னர், நிரந்­த­ர­வா­சி­கள், அனைத்­து­லக மாண­வர்­கள் ஆகி­யோர் திரும்­பி­யுள்ள நிலை­யில் இந்த அதி­க­ரிப்பு காணப்­ப­ட­லாம் என்று கூறப்­ப­டு­கிறது.