மாணவர் முரசு
இ-பேப்பர்
இம்மாதம் 23ஆம் தேதி சனிக்கிழமை மாலை தேசிய தின அணிவகுப்பின் முன்னோட்டக் காட்சி இடம்பெறுவதை முன்னிட்டு சில சாலைகள் போக்குவரத்துக்கு மூடப்படும்.
இதனால் 19 பேருந்துச் சேவைகள் பாதிக்கப்படும் என்று தெரிவிக்கப்பட்டது.
'எஸ்பிஎஸ் டிரான்சிட்' நிறுவனம் அதன் 15 பேருந்துச் சேவைகள் பாதிக்கப்படும் என்று நேற்று தெரிவித்தது. பேருந்துச் சேவை கள் 10, 14, 16, 56, 57, 70/70எம், 100, 111, 130, 131, 133, 162M, 195, 196, 502 ஆகியவை அவை.
இந்தப் பேருந்துச் சேவைகள் வரும் சனிக்கிழமை காலை 7.30 மணியிலிருந்து இரவு 11 மணி வரையிலோ பிற்பகல் 3 மணியில் இருந்து இரவு 11 மணி வரையிலோ பாதிக்கப்படும். இந்த நேரங்களில் இவை மாற்றுப்பாதைகளில் திருப்பிவிடப்படும்.
பேஃபிரண்ட் அவென்யூ, பீச் ரோடு உள்ளிட்ட பகுதிகளில் அமைந்திருக்கும் பேருந்து நிறுத்தங்களை இந்தப் பேருந்துகள் தவிர்க்க நேரிடும்.
'எஸ்எம்ஆர்டி' நிறுவனமும் தேசிய தின அணிவகுப்பின் முன்னோட்ட நாளில் பேருந்துச் சேவை பாதிப்பு குறித்து நேற்று அறிவித்தது.
பேருந்துச் சேவைகள் 75, 960, 960E, 961 ஆகிய நான்கும் இதனால் பாதிக்கப்படும் என்று நிறுவனம் தெரிவித்தது.
பீச் ரோடு, பிராஸ் பாஸா ரோடு, காலியர் கீ, எஸ்பிளனேட் டிரைவ், ஃபுல்லர்டன் ரோடு, ராஃபிள்ஸ் அவென்யூ, ராஃபிள்ஸ் பொலிவார்ட், ராபின்சன் ரோடு ஆகிய பகுதிகளில் உள்ள பேருந்து நிறுத்தங்களைத் தவிர்த்துவிடும்.