டான் டோக் செங் மருத்துவமனை, 3 மருத்துவர்கள் மீது வழக்கு

74 வயது மூதாட்டியின் மகன் $800,000 இழப்பீடு கேட்கிறார்

மார­டைப்பு ஏற்­பட்­டு டான் டோக் செங் மருத்­து­வ­ம­னை­யில் சேர்க்­கப்­பட்ட 74 வயது மூதாட்டி மூன்று வாரங்­க­ளுக்­குப் பிறகு மர­ண­ம­டைந்­தார்.

அவ­ரது மகன் தற்­போது $800,000 இழப்பீடு கேட்டு மருத்­து­வ­மனை மற்­றும் மூன்று மருத்­து­வர்­கள் மீது வழக்­குத் தொடுத்­துள்­ளார்.

மூதாட்டி டான் யாவ் லானுக்கு நீரி­ழிவு, உயர் ரத்­தம் அழுத்­தம், இதய நோய், சிறு­நீ­ரக நோய் உள்­ளிட்ட பிரச்­சி­னை­கள் இருந்­தன.

2018 ஏப்­ரல் 23ஆம் தேதி பயிற்சி தாதி­ய­ரின் உத­வி­யு­டன் அவர் குளித்­துக் கொண்­டி­ருந்­த­போது மார­டைப்பு ஏற்­பட்­டது.

அத­னைத் தொடர்ந்து மூளை பாதிக்­கப்­பட்டு தீவிர சிகிச்சை பிரி­வில் அவர் சேர்க்­கப்­பட்­டார். அதே ஆண்­டில் மூன்று வாரங்­க­ளுக்­குப் பிறகு மே 13ஆம் தேதி அவர் மரண மடைந்­தார்.

தேசிய நூலக வாரி­யத்­தில் பணி­யாற்­றும் பொதுச்­சேவை ஊழி­ய­ரான அவ­ரது மகன் சியா சூ கியாங், 47, 2019ல் மருத்­து­வ­மனை மீதும் கவ­னக்­கு­றை­வாக இருந்­த­தாக மூன்று மருத்­து­வர்­கள் மீதும் வழக்­குத் தொடுத்­தார். பரா­ம­ரிப்­புக் கட­மை­கள் பல­முறை மீறப்­பட்­டி­ருந்­த­தாக அவர் கூறி­னார்.

மூதாட்டி டானுக்கு ஏற்­கெ­னவே இருந்த இதய நோய், நீரி­ழிவு ஆகி­ய­வற்­றுக்கு வழங்­கப்­பட்ட மருந்­து­களை நிறுத்­தி­வைத்­தல், மருத்­துவப் பயிற்சி பெறாத நபரை அவ­ரைக் கையாள அனு­ம­தித்­தது உள்­ளிட்ட வற்றை கட­மை­யி­லி­ருந்து மீறப்­பட்ட அம்­சங்­க­ளாக அவர் குறிப்­பிட்­டி­ருந்­தார்.

இந்த வழக்கு உயர் நீதி­மன்­றத்­தில் நேற்று விசா­ர­ணைக்கு வந்­தது. மருத்­துவ நிபு­ணர்­கள் உட்­பட 30 பேர் இதில் சாட்­சி­யம் அளிக்­க­வி­ருக்­கின்­ற­னர். அவர்­களில் மூன்று பேர் திரு சியா­வுக்­கும் 24 பேர் மருத்­து­வ­மனை மற்­றும் மூன்று மருத்­து­வர்­க­ளுக்­கா­க­வும் முன்னி லையா­கின்­ற­னர்.

திரு சியா­வின் வழக்­க­றி­ஞ­ரான திரு கிளா­ரென்ஸ் லுன் தமது தொடக்­க­வு­ரை­யில் நோயா­ளி­யின் மருத்­து­வப் பின்­ன­ணியை அறிந்­தி­ருந்­தும் அதி­கம் ஆபத்­துள்ள, எளி­தில் பாதிக்­கப்­ப­டக்­கூ­டிய நோயா­ளி­யைக் கவ­னிக்க பயிற்சித் தாதி­யரை அனுப்பி இரக்­க­மற்ற வகை­யில் பிர­தி­வா­தி­கள் (மருத்­துவமனை, மூன்று மருத்­து­வர்­கள்) நடந்து கொண்­ட­னர் என்­றும் இதன் விளை­வாக அவர் நிலை­கு­லைந்து அவ­சர சிகிச்­சை­ய­ளிப்­ப­தில் தாம­தம் ஏற்­பட்­டது என்­றும் வாதிட்­டார்.

டான் டோக் செங் மருத்­துவ மனை­யை­யும் டாக்­டர் துரை ராஜ் டி. அப்­பா­துரை, டாக்­டர் லீ வெய் ஷெங், டாக்­டர் ரஞ்­சனா ஆச்­சார்யா ஆகிய மூன்று மருத்­து­வர்­க­ளை­யும் வழக்­க­றி­ஞர் திரு­வாட்டி மார் சியோவ் ஹிவெய் பிர­தி­நி­திக்­கி­றார்.

நோயா­ளியை எல்­லா அம்­சங் களி­லும் சிறந்த வகை­யில் நிர்­வ­கித்து பொருத்­த­மான சிகிச்சை அளிக்­கப்­பட்­ட­தா­க­வும் தர­மான பரா­ம­ரிப்­புக் கவ­னிப்பு வழங்­கப்­பட்­ட­தா­க­வும் மருத்­து­வ­மனை, மூன்று மருத்­து­வர்­கள் தரப்­பில் தெரி­விக்­கப்­பட்­டது.

2018 ஏப்­ரல் 20ஆம் தேதி காய்ச்­சல், உடல் அசதி கார­ண­மாக அவ­சர சிகிச்­சைப் பிரி­வுக்கு மூதாட்டி டான் சென்­றார்.

ஆரம்­பத்­தில் கடு­மை­யா­ன தொற்று, மார­டைப்பு, நீரி­ழிவு, ரத்த சோகை, மோச­ம­டைந்த சிறு­நீ­ர­கச் செயல்­பாடு ஆகி­ய­வற்­றால் அவர் பாதிக்­கப்­பட்­டி­ருப்­பது கண்­டு­பி­டிக்­கப்­பட்­டது.

ஆரம்­பக்­கட்ட சிகிச்­சை­யாக ஆஸ்­பி­ரின் மாத்­திரை மற்­றும் நீரி­ழிவு, உயர் ரத்த அழுத்த மாத்­தி­ரை­களை நிறுத்தி, நோய் எதிர்ப்பு மருந்­து­க­ளைத் தொடங்க முடிவு செய்­யப்­பட்­டது.

அடுத்த நாள் டாக்­டர் லீ நோயா­ளியை மருத்­துவமனையில் உள்ள இதய நோய் சிகிச்­சைப் பிரி­வுக்கு பரிந்­து­ரைத்து அவ­ருக்கு வழங்­கப்­பட்­டுள்ள வழக்­க­மான இன்­சுலின் மருந்­துக்­குப் பதி­லாக ரத்­தத்­தில் உள்ள குளு­கோஸ் அள­வுக்கு ஏற்ற இன்­சு­லின் மருந்தை வழங்­கச் சொன்­னார்.

இதய நோய் பிரி­வுக்கு நோயா­ளியை மாற்­றும் பரிந்­து­ரையை பின்­னர் டாக்­டர் ரஞ்­சனா ரத்து செய் தார்.

கடு­மை­யா­ன தொற்று மற்­றும் ஹிமோ­கு­ளோ­பின் குறை­வால் பாதிக்­கப்­பட்­டி­ருந்த மூதாட்டி டானுக்கு ரத்­தக் கசிவு ஆபத்தை ஏற்­ப­டுத்­தக்­கூ­டிய ஆஸ்­பி­ரின் மாத்­தி­ரையை தற்­கா­லி­க­மாக நிறுத்­து­வது என்­பது பொருத்­த­மான சிகிச்சை என்று பிர­தி­வா­தி­கள் சுட்­டிக்­காட்­டி­னர்.

மூதாட்டி டானின் மார­டைப்­புக்கு குறிப்­பிட்ட சிகிச்சை எது­வும் தேவைப்பட­வில்லை. அவ­ருக்கு ஏற்­பட்­டுள்ள தீவி­ரத்­தொற்றே அடிப் படைக் கார­ண­மா­கும்.

அவரை உயிர்­ப்பிக்­கும் முயற்­சி­யில் எந்­த­வித தாம­த­மும் ஏற்­ப­ட­வில்லை. பயிற்சித் தாதி உத­விக்கு அழைத்­த­தும் மருத்­து­வக் குழு­ வினர் உட­ன­டி­யாக நோயா­ளி­யைக் கவ­னித்­த­னர் என்று பிர­தி­வா­தி­கள் கூறி­னர்.

இந்த வழக்கு இன்று மீண்­டும் விசா­ர­ணைக்கு வரு­கிறது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!