சிங்கப்பூரும் மலேசியாவும் கட்டமைப்புகளை நிறைவு செய்தன

மின்னிலக்க, பசுமைப் பொருளியலில் கூடுதல் ஒத்துழைப்பு

சிங்­கப்­பூ­ரும் மலே­சி­யா­வும் மின்­னி­லக்க, பசு­மைப் பொரு­ளி­ய­லில் கூடு­தல் ஒத்­து­ழைப்­புக்­கான கட்டமைப்பு­களை நிறைவு செய்­து உள்ளன.

ஆண்­டி­று­திக்­குள் இரு கட்­ட­மைப்­பு­க­ளி­லும் கையெ­ழுத்­தி­டு­வதற்­கான பணியை மேற்­கொள்ள இரு நாடு­களும் இணக்­கம் தெரி­வித்­து உள்­ள­தாக சிங்­கப்­பூர் வர்த்­தக, தொழில் அமைச்சு நேற்று வெளி­யிட்ட அறிக்­கை­யில் அறி­வித்­தது.

வளர்ச்சி வாய்ப்­புள்ள இவ்­விரு அம்­சங்­க­ளி­லும் இரு நாடு­க­ளுக்கு இடை­யி­லான எதிர்­கால ஒத்­து­ழைப்­புக்கு இந்­தக் கட்­ட­மைப்­பு­கள் அடித்­த­ள­மாக விளங்­கு­கின்­றன.

வர்த்­தக ஒருங்­கி­ணைப்பு, முத­லீட்டு ஊக்­கு­விப்பு, மின்­னி­லக்­க­ம­ய­மா­தல் ஒருங்­கி­ணைப்பு உள்­ளிட்ட அம்­சங்­களில் கூடு­தல் ஒத்­து­ழைப்பை இந்த மின்­னி­லக்­கப் பொரு­ளி­யல் கட்­ட­மைப்பு வகை­செய்­யும். அதோடு சிறிய, நடுத்­தர நிறு­வனங்­க­ளின் மின்­னி­லக்­க­ம­ய­மா­த­லை­யும் இது ஒருங்­கி­ணைக்கும்.

சிங்­கப்­பூ­ரும் மலே­சி­யா­வும் மின்­னி­லக்­கப் பொரு­ளி­ய­லில் அடுத்­த­கட்ட வளர்ச்­சிப் பாதையை நோக்­கிச்­செல்­லும் வேளை­யில் இரு நாடு­க­ளி­லும் உள்ள வர்த்­த­கங்­கள், ஊழி­யர்­கள், சமூ­கங்­க­ளுக்­குப் பலன்­த­ரும் வாய்ப்­பு­க­ளைப் பெற்றுத் தரு­வது இதன் நோக்­கம்.

பசு­மைப் பொரு­ளி­ய­லைப் பொறுத்­த­மட்­டில், தங்­கள் தொழில்­து­றை­க­ளைக் கரி­ம­மற்­ற­தாக்­க­வும் வர்த்­த­கங்­களும் ஊழி­யர்­களும் வாய்ப்­பு­க­ளைக் கைப்­பற்­ற­வும் இரு நாடு­களும் ஒத்­து­ழைப்பை வலுப்­படுத்தும்.

அடுத்த தலை­முறை நட­மாட்டம், சுற்­றுப்­புற, சமு­தாய, ஆளுமை கொள்கை பரி­மாற்­றங்­கள், கரிம வெளி­யீட்­டைக் குறைக்­கும் தீர்­வு­கள் போன்ற அம்­சங்­களில் ஒத்­து­ழைக்க சிங்­கப்­பூ­ரும் மலே­சி­யா­வும் இணக்­கம் கொண்­டுள்­ளன.

சிங்­கப்­பூர் வர்த்­தக, தொழில் அமைச்­சர் கான் கிம் யோங்­கும் மலே­சி­யா­வின் அனைத்­து­லக வர்த்­தக, தொழில் அமைச்சர் அஸ்­மின் அலி­யும் நேற்று முன்­தினம் சிங்­கப்­பூ­ரில் சந்­தித்­த­தைத் தொடர்ந்து இந்த ஒத்­து­ழைப்­புக் கட்­ட­மைப்­பு­கள் நிறைவு செய்­யப்­பட்­டன.

சிங்­கப்­பூ­ருக்­கும் மலே­சி­யா­வுக்­கும் இடை­யி­லான நீண்­ட­கால பங்­கா­ளித்­து­வத்­தில் இவ்­விரு ஒத்­து­ழைப்­புக் கட்­ட­மைப்­பு­களும் புதிய மைல்­கல்­லைக் குறிப்­ப­தாக திரு கான் கூறி­னார்.

"சிங்­கப்­பூ­ரி­லும் மலே­சி­யா­விலும் பசுமை, மின்­ன­லக்­கப் பொரு­ளி­ய­லின் பல்­வேறு அம்­சங்­களி­லும் இரு நாடு­க­ளுக்கு இடையே கூடு­தல் ஒத்­து­ழைப்­புக்கு இந்த உடன்­பா­டு­கள் அடித்­த­ள­மாக விளங்­கு­கின்­றன," என்­றார் அவர்.

பசு­மைப் பொரு­ளி­ய­லில் இணக்கம் காணப்­பட்ட ஒத்­து­ழைப்பு, 12வது மலே­சியா திட்­டத்­து­டன் ஒத்­துப்­போ­வ­தாக திரு அஸ்­மின் சொன்­னார்.

பசுமை தொழில்­துறை­களை­யும் சந்­தை­க­ளை­யும் ஊக்­கு­விப்­பது, மாசு­பாட்­டைக் குறைப்­பது, இயற்கை வளங்­க­ளைப் பாது­காப்பது ஆகி­யவை இத்­திட்­டத்தின் இலக்­கா­கும்.