மற்ற நாடுகளில் முகக்கவசம் அணிவது தொடர்பான விதிமுறைகள்

பெரும்பாலான உட்புற இடங்களில்

முகக்கவசம் அணிவது, அடுத்த

திங்கட்கிழமை முதல் கட்டாயம்

இல்லை என்று அரசாங்கம்

அறிவித்துள்ளது. மற்ற நாடுகளில்

முகக்கவசம் அணிவது தொடர்பில்

எத்தகைய விதிமுறைகள் உள்ளன

என்பதை அறிந்துகொள்வோம்.

 இந்தியா

சந்தைகள், மருத்துவமனைகள்,

பொதுப் போக்குவரத்து, தனியார்

வாடகை வாகனங்கள் ஆகியவற்றில்

முகக்கவசம் அணிவது கட்டாயம்.

இருப்பினும், விதிமுறைகளைப்

பின்பற்றும் விருப்புரிமை மக்களிடம்

விடப்பட்டுவிட்டது. கடுமையான

அமலாக்க நடவடிக்கைகளையும்

அதிகாரிகள் எடுப்பதில்லை.

 மலேசியா

வெளிப்புற இடங்களில் இவ்வாண்டு

மே 1 முதல் முகக்கவசம் அணிவது

தேவையில்லை. இருப்பினும் பொது

உட்புறச் சூழல்களில் முகக்கவசம்

அணிவது கட்டாயம்.

 தாய்லாந்து

ஜூன் முதல் முகக்கவசம் அணிவது

விருப்ப அடிப்படையில் உள்ளது.

இருப்பினும் கூட்டமான இடங்களில்

முகக்கவசம் அணிவது தொடர்பான

அறிவுறுத்தல் உள்ளது.

 இந்தோனீசியா

பொது இடங்களில் முகக்கவசம்

அணிவது இவ்வாண்டு மே முதல்

கட்டாயமில்லை என்றாலும் உட்புற

இடங்களிலும் பொதுப்

போக்குவரத்திலும் கட்டாயம்.

கொவிட்-19 சம்பவங்கள் அதிகம் ஆனதையடுத்து ஜூலை 1

முதல் பொது இடங்களிலும்

முகக்கவசம் கட்டாயமாக்கப்பட்டது.

 ஐரோப்பா

ஐரோப்பாவில் முகக்கவசம்

அணிவது தொடர்பான

விதிமுறைகள் நாடுக்கு நாடு

வேறுபடுகின்றன. ஆனால்,

பெரும்பாலான நாடுகளில்

முகக்கவசம் அணிவது

கட்டாயமில்லை.