படிப்படியாக உயரும் சம்பள முறை எல்லா தொழில்களிலும்

என்டியுசி குழுமம் செப்டம்பர் 1ல் அமலாக்கும்; 10,000க்கும் அதிக ஊழியருக்குப் பலன்

என்­யு­டிசி ஃபேர்பி­ரைஸ் குழு­மம், சில்­லறை விற்­ப­னைத் துறைக்கு மட்­டு­மின்றி தனது அனைத்து தொழில்­து­றை­க­ளுக்­கும் படிப்­படியாக உய­ரும் சம்­பள முறையை முன்னதாகவே நீட்­டிக்­கிறது.

அதன் உண­வுச் சேவை­கள் மற்றும் விநி­யோ­கக் கட்­ட­மைப்­புத் தொழில்துறைக்கு அதற்­கான நிபந்­தனை நடப்­புக்கு வருவ­தற்கு முன்­ன­தா­கவே அந்த முறை அமலாகும் என்று இந்­தக் குழு­மம் நேற்று அறி­வித்­தது.

படிப்­ப­டி­யாக உய­ரும் சம்­பள முறை அடுத்த மாதம் முதல் தேதி நடப்­புக்கு வரு­கிறது. இந்­தக் குழு­மத்­தின் தொழில்­க­ளி­லும் நிறு­வன செயல்முறை­க­ளி­லும் வேலை பார்க்­கின்ற நிர்­வா­கம் சாராத 10,000க்கும் மேற்­பட்ட ஊழி­யர்­கள் இத­னால் பலன் அடை­வார்­கள்.

அப்­படி பலன் அடை­வோ­ரில் முழுநேர, பகுதிநேர ஊழி­யர்­கள் அடங்­கு­வர். ஊழி­யர்­கள் எந்த நாட்­டி­ன­ராக இருந்­தா­லும் நன்மை கிடைக்­கும் என்று குழு­மம் தெரி­வித்­தது. ஃபேர்பி­ரைஸ் குழு­மத்­தின் தொழில்­களில் பேரங்­கா­டி­கள், ஃபுட்பேர் மற்­றும் கோப்பித்தியாம் உணவு நிலை­யங்­கள் அடங்­கும்.

ஃபேர்பி­ரைஸ் நிறு­வ­னம் தேசிய தொழிற்­சங்­கக் காங்­கி­ர­சின் (என்டியுசி) சமூக நிறு­வ­ன­மா­கும்.

படிப்­ப­டி­யாக உய­ரும் சம்­ப­ள­முறை என்­பது, ஊழி­யர்­க­ளின் தேர்ச்சி, பயிற்சி ஆகி­ய­வற்­று­டன் இணைந்த ஒன்று.

ஊழி­யர்­க­ளுக்கு அதி­க சம்­ப­ளம் கிடைக்க இந்த முறை உத­வும். உணவு சேவை தொழில்­து­றை­யில் இந்­தச் சம்­பள முறை அடுத்த ஆண்டு மார்ச்­சில்­தான் நடப்­புக்கு வரு­கிறது.

இது­பற்றி சென்ற ஆண்டு கருத்து தெரி­வித்த என்­டி­யு­சி­யின் தலை­மைச் செய­லா­ளர் இங் சீ மெங், தள­வாடப் போக்­கு­வ­ரத்து, வாகன ஓட்­டு­நர்­கள் போன்ற குறிப்பிட்ட தொழில்­க­ளுக்கு இந்தச் சம்­பள முறை அம­லா­கும் வகையில் என்­டி­யுசி முயற்­சி­களை மேற்­கொள்ளும் என்று தெரி­வித்தார்.

அத்­த­கைய சம்­பள முறையை நடப்­புக்குக் கொண்டுவர நிறு­வனங்­க­ளுக்கு ஆறு மாத­கா­லம் அவ­கா­சம் இருக்­கிறது. என்­றா­லும் என்­டி­யுசி முன்­ன­தா­கவே அதை நடப்­புக்குக் கொண்டு வரு­கிறது.

பண­வீக்­கம், செலவு அதி­க­ரிப்பு போன்ற நெருக்­க­டி­கள் இருந்­தாலும்­கூட என்­டி­யுசி இதைச் செய்­கிறது என்று ஃபேர்பி­ரைஸ் குழு­மத்­தின் தலைமை நிர்­வாகி விபுல் சாவ்லா தெரி­வித்­தார்.

படிப்­ப­டி­யாக உய­ரும் சம்­பள முறை, ஃபேர்பி­ரைஸ் ஊழி­யர்­கள் வாழ்க்­கைத்தொழி­லில் மேம்­ப­டு­வ­தற்கு தெள்­ளத்­தெ­ளி­வான வழியை வகுத்து தரும்.

அவர்­கள் தங்­களை மேம்­ப­டுத்­திக்கொண்டு உற்­பத்­தித்திறன் மிக்­க­வர்­க­ளாக திகழ்ந்து அதிக சம்­ப­ளத்­தைப் பெறு­வார்­கள் என்று ஃபேர்பி­ரைஸ் குழு­மம் அறிக்கை ஒன்­றில் தெரி­வித்­தது.

இந்தச் சம்­பள முறையை நடப்­புக்கு கொண்டு வரு­வ­தால் தனக்கு மூன்­றாண்டு காலத்­தில் ஏறத்­தாழ $70 மில்­லி­யன் செல­வாகும் என்று குழு­மம் கூறியது.