'ஒன் பாஸ்' பரந்த ஏற்பாட்டின் ஓர் அங்கம்

சிங்­கப்­பூர் ஊழியர் அணி தொடர்ந்து போட்டித்­தி­ற­னு­டன் திகழ்­வதை உறு­திப்­ப­டுத்­து­வ­தற்­கான கொள்­கை­களின் ஓர் அங்­க­மாக, வெளி­நா­டு­க­ளைச் சேர்ந்த தலை­சிறந்த திற­னா­ளர்­க­ளுக்கு உரிய 'ஒன் பாஸ்' ஏற்­பாட்டை பார்க்க வேண்­டும் என்று மனி­த­வள அமைச்­சர் டான் சீ லெங் நாடா­ளு­மன்­றத்­தில் நேற்று தெரி­வித்­தார்.

ஒன் பாஸ் திட்­டம் பற்றி கடந்த ஆகஸ்ட்­டில் அறி­விக்­கப்­பட்­டது. மாதம் $30,000 நிரந்­தர சம்­ப­ளம் பெறும் வெளி­நாட்டு திற­னார்­களைக் கவர்ந்து ஈர்ப்­ப­தற்­காக ஒன் பாஸ் திட்­டம் நடப்­புக்கு வருகிறது.

அந்த அனு­ம­தி­யின் பேரில் சிங்­கப்­பூ­ருக்கு வரு­வோர் பல வேலை­களைப் பார்க்­க­லாம். அதே நேரத்­தில் ஒன்­றுக்­கும் மேற்­பட்ட தொழில்­ க­ளைத் தொடங்­க­லாம்.

கடந்த சில மாதங்­க­ளாக பரந்த அள­வி­லான ஓர் ஏற்­பாட்டை நாம் நடை­மு­றைப்­ப­டுத்தி வரு­கி­றோம். அதன் அங்­க­மாக ஒன் பாஸ் ஏற்­பாடு இடம்­பெ­று­கிறது என்று டாக்­டர் டான் தெரி­வித்­தார்.

சுவா சூ காங் குழுத்­தொ­குதி உறுப்­பி­னர் தாக்­கல் செய்த துணை கேள்வி ஒன்­றுக்குப் பதி­ல­ளித்து அவர் பேசி­னார்.

ஒன் பாஸ் ஏற்­பாட்­டின்­கீழ், ஒன்­றுக்­கும் மேற்­பட்ட நிறு­வ­னங்­களில் பல வேலை­க­ளைப் பார்க்­கும் நீக்­குப்­போக்கு இருக்­கிறது. இதை சிறிய, நடுத்­தர நிறு­வ­னங்­களில் வேலை பார்க்­கும் எம்­ப்ளாய்மண்ட் பாஸ்­தா­ரர்­க­ளுக்கு நீட்­டிப்­பது பற்றி அந்த உறுப்­பி­னர் கேட்­டி­ருந்­தார்.

அதற்கு பதி­ல­ளித்த அமைச்­சர், வேலை அனு­மதி ஏற்­பாட்­டில் செய்­யப்­பட்­டி­ருக்­கும் மேம்­பா­டு­களில் வெளி­நாட்டு நிபு­ணர்­க­ளுக்­கான சில மாற்­றங்­களும் உள்­ள­டங்­கும் என்­றார்.

எம்­ப்ளாய்மண்ட் பாஸ்­தா­ரர்­களில் தலை­சி­றந்த முதல் 10 விழுக்­காட்­டி­ன­ருக்கு வேலை விளம்­பர நிபந்­த­னை­யில் இருந்து விலக்கு அளிப்­பது அந்த மாற்­றங்­களில் ஒன்­றா­கும்.

இது இங்கு செயல்­படும் உலக நிறு­வ­னங்­கள், தங்­க­ளு­டைய செயல்­மு­றை­க­ளுக்­காக முக்­கிய ஊழி­யர்­களை வேலை­யில் அமர்த்த முடி­யும் என்ற உறு­தியை அந்த நிறு­வ­னங்­களுக்கு வழங்­கும் என்று அமைச்சு­நிலை அறிக்­கை­யில் தெரி­வித்­தார்.

நியா­ய­மான பரி­சீ­லனைக் கட்­ட­மைப்பு ஏற்­பாட்­டில் இருந்து விலக்கு பெற தகு­தி­பெ­றும் எம்­ப்ளாய்மண்ட் பாஸ்­தா­ரர்­களில் பெரும்­பா­லுாம் மூத்த நிபு­ணர்­களும் நிர்­வாக ஊழி­யர்­களும் அடங்­கு­வர் என்­றார் டாக்­டர் டான்.

எதிர்­த்த­ரப்பு தலை­வர் பிரித்­தம் சிங் கேட்ட கேள்­விக்குப் பதி­லளித்து அமைச்­சர் பேசி­னார்.

நியாயமான பரி­சீ­ல­னைக் கட்­டமைப்­பின் கீழ் இப்­போது முத­லா­ளி­கள் மைகே­ரி­யர்ஸ்­ஃபி­யூச்­சர் என்ற வேலை இணைய வாயி­லில் உள்ளூர் ஊழி­யர்­க­ளுக்கு உள்ள வேலை வாய்ப்­பு­கள் பற்றி விளம்­பரப்­ப­டுத்த வேண்­டும்.

அதற்கு 14 நாள்­கள் கழித்­து­தான் முத­லா­ளி­கள் எம்­ப்ளாய்மண்ட் பாஸ் அல்­லது எஸ் பாஸ்­தா­ரர்­களை வேலை­யில் அமர்த்த முடி­யும். வெளி­நாட்டுத் திற­னா­ளர் மாதம் $20,000க்கும் அதிக தொகை சம்­பா­தித்­தால் இதி­லி­ருந்து விலக்குண்டு.

அடுத்த ஆண்டு செப்­டம்­பர் 1ஆம் தேதி முதல் இந்­தத் தொகை $22,500 ஆக உயர்த்­தப்­படும்.

அதே­வே­ளை­யில், 'கேம்­பஸ்' என்ற மதிப்­புப்­புள்ளி அடிப்­ப­டை­யிலான ஓர் ஏற்­பாடு அடுத்த செப்­டம்­ப­ரில் நடப்­புக்கு வரு­கிறது.

எம்­ப்ளாய்மண்ட் பாஸ் மனு­தா­ர­ரும் அவ­ரு­டைய முத­லா­ளி­யும் கொண்­டுள்ள திறன்­களை மதிப்­பி­டும் இந்த ஏற்­பாடு சிங்­கப்­பூ­ரின் ஆற்­றல் தேவை­களை நிறை­வேற்ற உறு­து­ணை­யா­கத் திக­ழும் வகை­யில் முத­லா­ளி­கள் பல திற­மை களைக் கொண்ட வெளி­நாட்டு திற­னார்­க­ளைத் தேர்ந்­தெ­டுக்கலாம்.

இந்த 14 நாள் நிபந்­தனை 2014ல் நடப்­புக்கு வந்­தது. கொவிட்-19 தொற்று காலத்­தில் இது 28 நாட்­களாகக் கூடி­யது. அப்­போது வேலை தேடி­ய­வர்­க­ளை­விட வேலை­கள் குறை­வாக இருந்­தன.

இப்­போது வேலைச் சந்தை மேம்­பட்டு இருக்­கிறது. இப்­போது வேலை தேடும் ஒவ்­வொ­ரு­வ­ருக்­கும் இரண்­டுக்­கும் மேற்­பட்ட வேலை­கள் இருக்­கின்­றன. ஆகை­யால், 14 நாள் ஏற்­பாடு மீண்­டும் திரும்­பு­கிறது என்றாரவர்.