கார் இறக்குமதியாளர்கள் இயங்கும் வளாகத்தில் சுங்கத்துறை திடீர் சோதனை

சிங்­கப்­பூ­ரின் ஆகப்­பெ­ரிய வாகன வளாகத்தில் இம்மாதம் 2ஆம் தேதி சுங்­கத்­துறை அதி­கா­ரி­கள் திடீர் சோதனை நடத்­தி­னர்.

சுங்கை காடுட் பகு­தி­யில் எண் 60 ஜாலான் லாம் ஹுவாட்­டில் உள்ள உரி­மம்­பெற்ற சேமிப்­புக்­கிடங்கில் தான் சோதனை நடத்தி­யதாக சிங்­கப்­பூர் சுங்­கத்­துறை கூறி­யது. இந்த முக­வ­ரி­யில் 'காரோஸ் சென்­டர்' வளா­கம் உள்­ளது. பல­மா­டிக் கட்­ட­ட­மான இது, 2.3 மில்­லி­யன் சதுர அடி பரப்­பளவைக் கொண்­டுள்­ளது. கார் இறக்கு­ம­தி­யா­ளர்­களும் பயன்­ப­டுத்­தப்­பட்ட கார் விற்­ப­ணை­யா­ளர்­களும் அங்கு செயல்­ப­டு­கின்­ற­னர்.

இது­கு­றித்து விசா­ரணை நடை­பெற்று வரு­வ­தா­கக் கூறிய சுங்கத்­துறை பேச்­சா­ளர், "குற்­ற­வி­யல் அல்­லது வணிக ரீதி­யி­லாக விசா­ரணை நடத்­தும் ஆணை­யம், குற்­றச்­சாட்­டு­கள் சுமத்­தப்­ப­டும்­வரை வழக்­கு­கள் குறித்த விவ­ரங்­களை வெளி­யி­டாது," என்­றார்.

'காரோஸ் சென்­டர்' வளா­கத்­தி­னுள் உள்ள ஒரு பகு­தி­யைச் சுற்றி சுங்­கத்­துறை தடுப்­பு­வே­லி­களைப் போட்­டி­ருந்­தது. அதைக் காட்­டும் புகைப்­ப­டங்­கள் செப்­டம்­பர் 13ஆம் தேதி சமூக ஊட­கங்­களில் வலம்­வந்­தன.

இது­கு­றித்து ஸ்ட்­ரெய்ட்ஸ் டைம்­சின் கேள்­வி­க­ளுக்­குப் பதி­ல­ளித்த சுங்­கத்­துறை, உரி­மம்­பெற்ற சேமிப்­புக்­கி­டங்கு சோத­னைக்கு உட்­படுத்­தப்­பட்­ட­போது அந்த இடத்­தைப் புகைப்­ப­டங்­கள் காட்­டு­வதை உறுதிப்­ப­டுத்­தி­யது.

'கார்ஸ் அண்ட் காஃபி' எனும் நிறு­வ­னத்­துக்கு வெளி­யி­லும் தடுப்பு­வே­லி­கள் போடப்­பட்­டி­ருந்­த­தைப் புகைப்­ப­டங்­கள் காட்­டின. இந்த­ நிறு­வ­னம், உயர் ரக கார்­களை இறக்­கு­மதி செய்­கிறது. 'காரோஸ் சென்­டர்' வளா­கத்­தின் ஆறா­வது தளத்­தில் இதன் விற்­ப­னைக் கூடம் அமைந்­துள்­ளது.

இம்மாதம் 13ஆம் தேதி இந்த ­நிறு­வ­னத்தை ஸ்ட்­ரெய்ட்ஸ் டைம்ஸ் தொடர்­பு­கொண்­டது. சமூக ஊட­கங்­களில் புகைப்­ப­டங்­கள் வலம்­வந்­தது பற்றி தனக்­குத் தெரி­யாது என்று கூறிய இந்­நி­று­வ­னம், தான் எப்­போ­தும்­போல வியா­பா­ரம் நடத்தி வரு­வ­தா­கச் சொன்­னது.