போதைப்பொருளுக்கு அடிமையாவது போன்ற விவகாரங்களைத் தனிப்பட்ட வாழ்க்கைச் சூழலின் பின்னணியில் ஆராய்கிறது 'ஃபைண்டிங் ஜூலியானா' எனும் டிக்டாக் தொடர்.
இத்தொடரை போதைப்பொருள் புழக்கத்திற்கு எதிரான தேசிய அமைப்பு வியாழக்கிழமையன்று (22 செப்டம்பர்) அறிவித்தது.
'வாட்ஸ் யோர் ஃபிக்ஸ்?' எனும் போதைப்பொருளுக்கு எதிரான ஈராண்டு இயக்கத்தின் தொடக்கமாக இந்தத் தொடர் அமைந்துள்ளது.
குறிப்பாக இளையர்களிடையே போதைப்பொருள் இடம்பெறாத சமூகத்தின் நன்மைகளை எடுத்துச்சொல்வது போன்ற நடவடிக்கைகளுக்கு 'வாட்ஸ் யோர் ஃபிக்ஸ்?' இயக்கம் உதவும் என்று போதைப்பொருள் புழக்கத்திற்கு எதிரான தேசிய அமைப்பின் துணைத் தலைவர் டாக்டர் சியூ டுவான் சியோங் கூறினார்.