செய்திக்கொத்து

இஸ்தானாவில் காவலர்களை மாற்றும் சடங்கு அக்டோபர் 2ல் தொடரும்

கொவிட்-19 பெருந்தொற்று காரணமாக ஈராண்டு இடைவேளைக்குப் பிறகு இஸ்தானாவில் வரும் ஞாயிற்றுக்கிழமை காவலர்களை மாற்றும் சடங்கு தொடரும்.

அக்டோபர் 2ஆம் தேதி மாலை 6 மணிக்கு இஸ்தானாவின் பிரதான வாயிலில் சடங்கு நடைபெறும் என்று அதிபர் ஹலிமா யாக்கோப் நேற்று வெளியிட்ட ஃபேஸ்புக் பதிவில் குறிப்பிட்டார்.

1959 முதல் இஸ்தானாவின் பிரதான வாயிலில் சடங்குபூர்வ காவல் அணியினர் காவல் பணியை ஆற்றி வந்தனர். சிங்கப்பூர் காலாட்படையின் முதலாவது பட்டாளத்தைச் சேர்ந்த போர்ப் படையினர் அந்த ஆண்டில்தான் அந்த வாயிலைக் காவல் காத்தனர்.

இஸ்தானாவைக் காவல் காக்க போர்ப் படையினர் பயன்படுத்தப்பட்டது 1968ல் முடிவுக்கு வந்தது. சிங்கப்பூர் ஆயுதப் படையின் காவலர் பிரிவு அப்போது அமைக்கப்பட்டது.

இஸ்தானாவில் காவலர்களை மாற்றும் சடங்கின் அமைப்பு, பிரிட்டனில் பக்கிங்ஹம் மாளிகையில் இடம்பெறும் காவலர்களை மாற்றும் சடங்கின் அடிப்படையில் உள்ளது. மற்றொரு காவல் படைப்பிரிவிடம் பொறுப்பு ஒப்படைக்கப்படுவதை இந்தச் சடங்கு அதிகாரபூர்வமாக குறிக்கிறது.

'கிராப் ஹோல்டிங்ஸ் நிறுவனத்தின் வளர்ச்சி வாய்ப்பு மெதுவடையலாம்'

கிராப் ஹோல்டிங்ஸ் நிறுவனம், அடுத்த ஆண்டு வருவாய் வளர்ச்சி கணிசமாக குறையும் என எதிர்பார்க்கிறது. சந்தை சரிவுக்கு தன்னை சரிசெய்து வரும் இந்நிறுவனம், பல ஆண்டுகளாக ஏற்பட்ட இழப்பை ஈடுசெய்ய அது எடுத்துவரும் முயற்சிகளைத் தீவிரப்படுத்தி வருகிறது.

நிபந்தனையுடன் கூடிய அடிப்படையில் 2024 இரண்டாம் பாதியில் லாபம் ஈட்டத் தொடங்குவதை கிராப் எதிர்பார்க்கிறது.

இதன் தொடர்பில் நேற்று நடைபெற்ற நிறுவன நிகழ்ச்சியில் பேசிய கிராப் தலைமை நிர்வாகி ஆன்டனி டான், "முன்னோக்கிச் செல்கையில், லாபம் ஈட்டுவதை உறுதிசெய்ய எல்லா கோணங்களிலும் நாங்கள் முயற்சி செய்து வருகிறோம்," என்றார்.

இதற்கிடையே, சிங்டெல் நிறுவனத்துடனான தன் மின்னிலக்க வங்கிச் செயல்பாடு 2026ல்தான் லாபம் ஈட்டத் தொடங்கும் என கிராப் எதிர்பார்க்கிறது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!