டாக்சி, தனியார் வாடகை வாகனம்: மாணவர், வேலையில்லாதோரிடம் மனநிறைவு குறைவு

டாக்சி, தனி­யார் வாடகை வாகன சேவை ஆகி­யவை தொடர்­பில் மாண­வர்­கள், ஓய்­வு­பெற்­ற­வர்­கள், வேலை­யில்­லா­தோர் ஆகி­யோ­ரி­டம் சென்ற ஆண்­டை­விட இந்த ஆண்டு மன­நி­றைவு குறைந்து காணப்­ப­டு­கிறது.

இருந்­தா­லும்கூட, பொதுப் பேருந்து, எம்­ஆர்­டியைப் பொறுத்­த­வரை சென்ற ஆண்­டைப் போலவே இந்த ஆண்­டும் மன­நி­றைவு தொடர்ந்து இருந்து வரு­கிறது.

'சிங்­கப்­பூர் வாடிக்­கை­யா­ளர் மன­நி­றைவுப் பட்­டி­யல் 2022' என்ற ஓர் ஆய்வறிக்கையை, 'உன்­ன­தச் சேவைப் பயி­ல­கம்' என்ற அமைப்பு வெளி­யிட்டுள்ளது. அந்­தப் பயி­ல­கம், சிங்­கப்­பூர் நிர்­வா­கப் பல்­கலைக்­க­ழ­கத்­தில் அமைந்­துள்­ளது.

ஆய்வறிக்கை மூலம் இந்த நில­வ­ரம் தெரி­ய­வ­ந்துள்ளது. எம்­ஆர்டி ரயில்­கள், பொதுப் பேருந்­து­கள், டாக்­சி­கள், தனி­யார் வாடகை கார்­கள் ஆகி­யவை உள்ளிட்ட நிலப் போக்­கு­வ­ரத்து துறையில் ஆய்­வு­ ஒரு­மித்த கவ­னம் செலுத்­தியது.

இந்த வரு­டாந்­திர ஆய்வு 2007ஆம் ஆண்டு முதல் நடந்து வரு­கிறது. அதில், ஏப்­ரல் மாதத்­திற்­கும் ஜூலை மாதத்­திற்­கும் இடை­யில் 2,350 உள்­ளூர்­வா­சி­களிடம் இருந்து இணை­யம் மூலம் கருத்­து­கள் திரட்­டப்­பட்­டன.

டாக்­சி­கள், தனி­யார் வாடகை கார்­கள் ஆகி­ய­வற்­றைப் பொறுத்­த­வரை, வேலை பார்க்­காத பய­ணி­களி­டையே சென்ற ஆண்டு மன­நி­றைவு அளவு 76.5 புள்­ளி­யாக இருந்­தது. இது இந்த ஆண்­டில் 72.1 புள்­ளி­யா­கக் குறைந்­து­விட்­டது. இந்­தக் குறைவு 5.8%க்குச் சமம். இவர்­கள் எந்த வகை வேலை­யை­யும் பார்க்­கா­த­வர்­கள்.

ஆனால், வேலை பார்க்­கும் பயணி­களை உள்­ள­டக்கி பார்க்­கும் போது டாக்சி, தனி­யார் வாடகை கார்­க­ளுக்­கான ஒட்­டு­மொத்த மன­நி­றைவு சென்ற ஆண்­டை­விட இந்த ஆண்டு 0.4% அதி­க­மாகி உள்ளது.

டாக்சி, தனி­யார் வாடகைக் கார்­களைப் பயன்­ப­டுத்­து­வ­தன் தொடர்­பி­லான மதிப்பு என்று வரும்­போது வேலை பார்ப்­போ­ரை­விட வேலை பார்க்­காத வாடிக்­கை­யா­ளர்­க­ளி­டம் மன­நி­றைவு குறைந்து காணப்­ப­டு­கிறது.

எளி­தாக காரைப் பிடித்து பய­ணம் செய்­வது அல்­லது பய­ணத்­திற்­காக காத்­தி­ருப்­பது ஆகி­ய­வற்றைப் பொறுத்­த­வரை, வேலை பார்ப்­போ­ரை­விட வேலை பார்க்­கா­த­வர்­களி­டம் கணி­ச­மான அள­வுக்கு மன­நி­றைவு குறைந்திருந்தது.

இத­னி­டையே, இந்த நில­வ­ரம் பற்றி கருத்து கூறிய உன்­ன­தச் சேவை பயி­ல­கத்­தின் நிர்­வாக இயக்­கு­ந­ரான திரு­வாட்டி நீட்டா லட்­சு­மண்­தாஸ், டாக்­சி­களும் வாடகை கார்­களும் சாலை­களில் முன்­னி­லும் குறை­வாக ஓடி­ய­தும் அவற்றை நிர்­வ­கித்து நடத்­து­வோர் அதிக கட்­ட­ணம் வசூ­லித்­த­தும் இதற்­கான கார­ண­மாக இருக்­க­லாம் என்று தெரி­வித்­தார்.

பொதுப் பேருந்­து­கள், எம்­ஆர்டி ரயில்­க­ளைப் பொறுத்­த­வரை மன­நி­றைவு சென்ற ஆண்­டைப் போலவே இந்த ஆண்­டும் தொடர்ந்து இருந்து வருகிறது.