அதிகமான ஜோடிகள் இணையச் சந்திப்புத் தளங்கள், செயலித் தளங்கள் மூலம் சந்திக்கின்றனர்: ஆய்வு

அதி­க­மான ஜோடி­கள் இணை­யச் சந்­திப்­புத் தளங்­கள் அல்­லது செய­லித் தளங்கள் மூலம் சந்­திக்­கின்­ற­னர் என்று ஓர் ஆய்­வில் தெரியவந்­துள்­ளது என தேசிய மக்­கள்­தொகை, திற­னா­ளர் பிரிவு நேற்று தெரி­வித்­தது.

ஆய்­வில் பங்­கேற்­ற­வர்­கள் ஒற்­றை­யர் அல்­லது தற்­போது சந்­திப்­பு­களில் ஈடு­பட்­டுள்­ள­வர்­கள். இணை­யம் மூலம் சந்­தித்­த­வர்­க­ளின் விகி­தம் 2012ல் இருந்து 7%லிருந்து கடந்த ஆண்­டில் 29%க்கு உயர்ந்­தது. பள்­ளி­களில், நண்­பர்­கள் மூலம் வேலை­யி­டத்­தில் சந்­திப்­பது போன்­றவை மற்ற வழி­கள்.

கடந்த ஆண்டு பிப்­ர­வரி முதல் ஜூன் வரை நடத்­தப்­பட்ட திரு­மணம் மற்­றும் பெற்­றோ­ரா­கு­தல் ஆய்­வில் 2,848 ஒற்­றை­யர்­கள் பங்­கேற்­ற­னர். அதா­வது அவர்­கள் திரு­ம­ணமே செய்­து­கொள்­ளா­த­வர்­கள். மேலும் ஆய்வில் 3,017 மணமானவர்களும் பங்கேற்றனர். அவர்­க­ள் 21 முதல் 45 வய­துக்­குட்­பட்­ட­வர்­கள்.

ஆய்­வில் பங்­கேற்ற ஒற்­றை­யர்­களில் 50 விழுக்­காட்­டி­னர் தற்­போது எந்தச் சந்­திப்­பு­க­ளி­லும் ஈடு­பட வில்லை. இவர்­களில் 38 விழுக்­காட்­டி­னர் இது­வரை எவ்­வித சந்­திப்­பு­க­ளி­லும் ஈடு­பட்­ட­தில்லை.

குறிப்­பிட்ட ஒரு சமூக வட்­டத்­துக்­குள் இருப்­ப­து­தான் (58%) சந்­திப்­பு­களில் ஈடு­ப­டா­மல் இருப்­ப­தற்கு முதன்மை கார­ணம். வாழ்க்­கைத் துணை­யைச் சந்­திக்க அதிக வாய்ப்பு­கள் இல்­லா­தது (57%), வாய்ப்புக் கிடைத்­தால் சந்­திக்­க­லாம் (48%) போன்­றவை இதர கார­ணங்­கள். வேலை அல்­லது கல்­வி­யைத் தொடர்­வது, காதல் உறவை ஏற்­ப­டுத்த சிர­மப்­ப­டு­தல் ஆகி­யவை மற்றக் கார­ணங்­கள்.

அதே நேரத்­தில், இணை­யச் சந்­திப்­புத் தளங்­கள் அல்­லது செய­லித் தளங்­கள் மூலம் சந்­திப்­பது பல­ருக்­கும் பிடித்­துள்­ளது. அவ்­வாறு சந்­தித்­த­வர்­கள் விகி­தம் 2012ல் 19%, 2016ல் 43%, 2020ல் 58%.

சமூக மற்­றும் பொழு­து­போக்கு நட­வ­டிக்­கை­கள் மூலம் சந்­தித்­தல், நண்­பர்­கள், சக மாண­வர்­கள் மூலம் அறி­மு­கம் கிடைத்­தல் அல்­லது வேலை­யிட சகாக்­கள் மூலம் அறி­மு­கம் கிடைத்­தல் ஆகி­யவை வாழ்க்­கைத் துணை கிடைக்க தாங்­கள் விரும்­பும் உகந்த வழி­கள் என்று பல­ரும் கூறு­கின்­ற­னர்.

"வாழ்க்­கைத் துணை­யைத் தேடு­வ­தற்கு இணை­யச் சந்­திப்­புத் தளங்­கள் அல்­லது செய­லித் தளங் களை மக்­கள் நாடு­வது வழக்­க­மாகிவிட்­டது. வேலை­யில் மூழ்­கி­யி­ருப்­போர் வாழ்க்­கைத் துணை­யைத் தேடு­வ­தற்கு இணை­யச் சந்­திப்­புத் தளங்­கள் அல்­லது செய­லித் தளங்­களை நாடு­வ­தையே அதி­கம் விரும்­பு­கின்­ற­னர்," என்று கொள்கை ஆய்­வுக் கழ­கத்­தின் சமூக ஆய்­வ­கத்­தின் தலைமை ஆய்­வா­ளர் மேத்யூ மேத்­யூஸ் தெரி­வித்­தார்.

இருப்­பி­னும், தொழில்­நுட்­பத்­தைச் சார்ந்த சந்­திப்­பு­கள் அனை­வ­ரை­யும் திருப்­திப்­ப­டுத்­தும் அள­வுக்கு இருப்­ப­தில்லை. அதில் சில போதா மைகள் உள்ளன.

நேரடியாகச் சந்திப்பதையே சிலர் இன்னும் சிலர் விரும்புகின்றனர் என்­றும் திரு மேத்­யூஸ் விளக்­கி­னார்.