ஆணையம்: அடுத்த ஆண்டு பிற்பகுதியில் பணவீக்கம் குறையும்; ஜிஎஸ்டி உயர்வின் தாக்கம் தற்காலிகமானதே

சிங்­கப்­பூ­ரின் மத்­திய வங்­கி­யான சிங்­கப்­பூர் நாணய ஆணை­யம், அடுத்த ஆண்டு பண­வீக்­கம் எப்­படி இருக்­கும் என்­பது பற்­றிய தன்­னு­டைய முத­லா­வது மதிப்­பீட்டை வெளி­யிட்டு இருக்­கிறது.

அடுத்த ஆண்­டின் இரண்­டா­வது பாதி­யில் விலை­யேற்­றத்­தின் வேகம் குறை­யும் என்­றும் விரை­வில் நடப்­புக்கு வர­வி­ருக்கும் ஜிஎஸ்டி வரி உயர்­வின் தாக்­கம் தற்­கா­லி­க­மான ஒன்­றா­கவே இருக்­கும் என்­றும் ஆணை­யம் தெரி­வித்­துள்­ளது.

ஜிஎஸ்டி வரி உயர்­வின் ஒரு நேர தாக்­கத்தை கருத்­தில்­கொண்டு கணக்­கிட்டுப் பார்க்­கை­யில், அடுத்த ஆண்­டில் மூலா­தார பண­வீக்­கம் ஏறக்­கு­றைய 3.5% முதல் 4.5% வரைப்­பட்ட அள­வில் இருக்கும் என்று ஆணை­யம் தெரி­வித்­தி­ருக்­கிறது.

அதே­போல, ஒட்­டு­மொத்த பண­வீக்­கம் 5.5% முதல் 6.5% வரை இருக்­கும் என்று அது கணித்து இருக்­கிறது.

ஒப்­பிட்டுப் பார்க்­கை­யில், இந்த ஆண்­டில் மூலா­தார பண­வீக்­கம் சரா­ச­ரி­யாக 4%ஆக இருக்­கும் என்று எதிர்­பார்க்­கப்­படு­கிறது.

அதே­நே­ரத்­தில், ஒட்­டு­மொத்த பண­வீக்­கம் கிட்­டத்­தட்ட 6% இருக்­கும் என்று கணிக்­கப்­பட்டு உள்­ளது.

மூலா­தார பண­வீக்­கம் என்­பது தனி­யார் போக்­கு­வ­ரத்­துக்­கும் குடி­யி­ருப்­புக்கு­மான செல­வு­க­ளைச் சேர்க்­கா­மல் கணக்­கி­டப்­படும் ஒன்­றா­கும்.

இது இப்­படி இருக்க, ஜிஎஸ்டி வரியைக் கணக்­கில் சேர்க்­கா­மல் பார்த்­தால், அடுத்த ஆண்­டில் மூலா­தார பண­வீக்­கம் 2.5% முதல் 3.5% வரை இருக்கும். அதே­போல, ஒட்­டு­மொத்த பண­வீக்­கம் 4.5%லிருந்து 5.5% ஆக இருக்­கும்.

ஜிஎஸ்டி வரி இரண்டு கட்­டங்­க­ளாக 2% உயர்த்­தப்­ப­டு­கிறது. இப்­போது 7% ஆக இருக்­கும் அந்த வரி, வரும் ஜனவரி 1ஆம் தேதி முதல் 8% ஆக உய­ரும். 2024 ஜன­வரி 1ஆம் தேதி ஜிஎஸ்டி வரி 9%க்கு அதி­க­ரிக்­கப்­படும்.

ஜிஎஸ்டி வரி உயர்வு 1% ஆக இருந்­த­போ­தி­லும் விலை­யில் அது ஒரு நேர தாக்­கத்தை ஏற்­ப­டுத்­தும்.

என்­றா­லும் பண­வீக்­கத்­தின் மீதான அத­னு­டைய தாக்­கம் தற்­கா­லி­க­மா­ன­தா­கவே இருக்­கும் என்று ஆணை­யம் நேற்று வெளி­யிட்ட தனது நாண­யக் கொள்கை அறிக்­கை­யில் குறிப்­பிட்டு இருக்­கிறது.

ஒட்­டு­மொத்­த­மா­கப் பார்க்­கை­யில், அடுத்த ஆண்­டின் முதல் பாதி­யில் மூலாதார பண­வீக்­கம் தொடர்ந்து அதி­க­மா­கவே இருந்து வரும்.

இரண்­டாம் பாதி­யில் செலவு நெருக்­கடிகள் படிப்­ப­டி­யா­கக் குறை­யும்­போது மூலா­தார பண­வீக்­க­மும் குறை­யும் என்று ஆணை­யம் கணித்­துள்­ளது.

கணிப்­பு­கள் இப்­படி இருந்­தா­லும் இவற்­றுக்கு எதிர்­மா­றான இடர்­களும் இருப்­ப­தாக மத்­திய வங்கி எச்­ச­ரித்துள்ளது.

உல­க­ளா­விய நிலை­யில் வர்த்­த­கப் பொருள்­க­ளின் விலை­கள் திடீ­ரென உயரக்­கூ­டும் என்பதாலும் சம்­பள உயர்­வு­கள், பண­வீக்­கம் அதிக காலம் நீடிப்­பது ஆகி­யவை காரணமாகவும் ஏற்­ப­டக்­கூ­டிய இரண்­டாம் நிலை தாக்­கங்­கள் உள்­ளிட்ட பல­வும் இந்த இடர்­களில் உள்­ள­டங்­கும்.

பண­வீக்­கம், வளர்ச்சி இரண்­டுக்­கான வாய்ப்­பு­க­ளைப் பொறுத்­த­வரை கணி­ச­மான அள­வுக்கு நிச்­ச­ய­மில்­லாத நில­வரங்­கள் இருக்­கின்­றன என்­பதை ஆணை­யம் தனது அறிக்­கை­யில் சுட்­டிக்­காட்­டியது.

இந்த ஆண்­டில் மூலா­தார பண­வீக்­கம் எதிர்­பார்க்­கப்­பட்­ட­தை­விட அதி­க­மா­கக் கூடி இருக்­கிறது என்று ஆணை­யம் தெரி­வித்து உள்­ளது.

இந்த ஆண்டு ஜூலை முதல் ஆகஸ்ட் வரைப்­பட்ட காலத்­தில் மூலா­தார பண­வீக்­கம் ஆண்­டுக்­காண்டு அடிப்­ப­டை­யில் ஏறக்­கு­றைய 4.9% ஆக இருந்­தது.

இது இந்த ஆண்­டின் இரண்­டா­வது காலாண்­டில் 3.8% ஆக இருந்­தது.

மின்­சா­ரம், எரி­வாயு, உண­வுப்­பொ­ருள்­களின் விலை உயர்ந்­தது. உலக எரி­பொருள் நில­வ­ரம், வேளாண்­மைச் செலவு­கள் ஆகி­யவை கார­ண­மாக இந்த விலை அதி­க­ரிப்பு இடம்­பெற்­றது.

அதே­வே­ளை­யில், தனி­யார் போக்­கு­வரத்து, குடி­யி­ருப்­புச் செல­வும் கூடி­யது. இதன் விளை­வாக ஜூலை முதல் ஆகஸ்ட் வரைப்­பட்ட கால­கட்­டத்­தில் ஒட்­டு­மொத்த பண­வீக்­கம் 7.3% வரை அதி­க­ரித்­தது. இந்­தப் பண­வீக்­கம் 2ஆம் காலாண்­டில் 5.9% ஆக இருந்­தது.

ஆண்­டுக்­காண்டு அடிப்­ப­டை­யில் மூலா­தார பண­வீக்­கம் 5.1% ஆகி­யது. ஒட்­டு­மொத்த பண­வீக்­கம் 7.5% ஆக உயர்ந்தது.

இந்த இரண்டு வகை பண­வீக்­க­மும் 2008ஆம் ஆண்­டுக்­குப் பிறகு ஆக அதி­கம் என்­பது குறிப்­பி­டத்­தக்­க ஒன்று என்பதை ஆணையம் அறிக்கையில் சுட்டிக்காட்டியது.