மலேசிய 'பிராய்லர்' கோழி விற்பனையில் பறக்கிறது

சிங்கப்பூரில் நீண்டநாள்களுக்குப் பிறகு மலேசிய 'ஃபிரெஷ்' பிராய்லர் கோழி இறைச்சி கிடைத்ததால் பல வீடுகளில் கோழிக்கறி கொண் டாட்டமாக இருந்தது.

தன்னுடைய பெயர் ரோஸ் என்று மட்டுமே குறிப்பிட்ட 75 வயது மூதாட்டி ஒருவர், விலை அதிகமாக இருந்ததால் கோழி இறைச்சி வாங்குவதையே நிறுத்திவிட்டார்.

ஆனால் நீண்டநாள்களுக்குப் பிறகு மலேசியாவிலிருந்து இறக்கு மதி செய்யப்பட்ட பிராய்லர் கோழி நேற்று தீவு முழுவதும் உள்ள கடை களிலும் ஈரச்சந்தைகளிலும் விற்கப் பட்டன.

திருவாட்டி ரோஸ் உட்பட பலரும் கோழி இறைச்சியை வாங்கினர். திருவாட்டி ரோஸ் பிடோக் 85ல் உள்ள சந்தைக்குச் சென்று கோழி இறைச்சியை வாங்கினார்.

இவ்வாரம் முற்பகுதியில் கோழி இறைச்சி ஏற்றுமதிக்கு விதிக்கப்பட்ட தடையை மலேசியா விலக்கிக் கொண்டது.

"கோழி விலை அதி­க­மாக இருந்­த­தால் வாங்­கு­வ­தையே நிறுத்தி­விட்­டேன். மலே­சிய கோழி மீண்­டும் விற்­கப்­ப­டு­வ­தால் இன்று வாங்­கி­னேன்," என்று திரு­வாட்டி ரோஸ் நேற்று தெரி­வித்­தார்.

உள்­ளூ­ரில் கோழி இறைச்­சிக்கு பற்­றாக்­குறை ஏற்­பட்­ட­தால் ஏற்­று ­ம­திக்கு மலே­சிய அரசு தடை விதித்­தது.

தற்­போது இந்­தத் தடை வில­கி­ யுள்­ள­தால் ஏறக்­கு­றைய நான்­கரை மாதங்­க­ளுக்­குப் பிறகு முதல் முறை­யாக 'பிராய்­லர்' கோழி­கள் ஜோகூர் கடற்­பா­லத்­தைக் கடந்து வியா­ழன் மதி­யம் சிங்­கப்­பூர் வந்து சேர்ந்­தன.

'பிராய்­லர்' கோழி­கள் இறைச்­சிக்­கா­கவே வளர்க்­கப்­ப­டு­கின்­றன. அள­வில் பெரி­ய­தா­க­வும் அதிக சதை­யா­க­வும் அவை இருக்­கும். இந்த வகை கோழி­கள்­தான் பெரும்­பா­லான அள­வில் பர­வ­லாக விற்­கப்­ப­டு­கின்­றன. நாட்டுக் கோழி விலை அதிகமாகவும் சிறியதாகவும் இருக்கின்றன.

பிராய்லர் கோழி இறைச்சியின் விலை முன்பைவிட 15 முதல் 30 விழுக்காடு வரை கூடுதலாக நேற்று விற்கப்பட்டது. பிடோக், கிம் மோ, சிராங்கூன், தோ பாயோ வட்டாரங் களிலும் கோழி இறைச்சி விற்பனை நேற்று அமோகமாக நடை பெற்றது.