செப்டம்பர் மாதத்தில் எண்ணெய் சாரா ஏற்றுமதி 3.1% வளர்ச்சி

கடந்த ஆகஸ்ட் மாதம், ஆண்டு அடிப்­ப­டை­யில் 11.4% வளர்ச்சி கண்ட எண்­ணெய் சாரா பொருள்­களின் ஏற்­று­மதி, அத­னை­ய­டுத்த செப்­டம்­பர் மாதத்­தில் வெறும் 3.1% மட்டுமே உயர்­வு­கண்­டது.

முன்­ன­தாக, புளூம்­பெர்க் நடத்­திய கருத்­தாய்­வில் எண்­ணெய் சாரா ஏற்­று­மதி செப்­டம்­ப­ரில் 6.9% ஏற்­ற­ம­டை­ய­லாம் என்று பகுப்­பாய்­வா­ளர்­கள் முன்­னு­ரைத்­தி­ருந்­த­னர்.

மின்­ன­ணுப் பொருள்­கள் ஏற்­று­மதி பெரி­தும் சரிவு கண்­டதே இந்த வளர்ச்­சிக் குறை­விற்­குக் கார­ண­மா­கக் கூறப்­ப­டு­கிறது.

இவ்­வாண்டு ஆகஸ்ட்­டில் 4.5% வீழ்ச்­சி­யுற்ற மின்­ன­ணுப் பொருள்­கள் ஏற்­று­மதி, செப்­டம்­ப­ரில் அதைக்­காட்­டி­லும் அதி­க­மாக 10.6% சரிவு­கண்­டது.

இதன்­மூ­லம், கடந்த 2020 நவம்­பரில் இருந்து தொடர்ந்து ஏறு­மு­க­மாக இருந்த மின்­ன­ணுத் துறை­யின் வளர்ச்­சிப் பய­ணம் முடி­விற்கு வந்­தது.

குறிப்­பாக, வட்டு ஊட­கப் பிரிவு 42.7% வீழ்ந்­தது மின்­ன­ணுத் துறை­யின் சரி­விற்கு வித்­திட்­டது. கணினி உதி­ரிப் பாகங்­கள் ஏற்­று­மதி 22.3 விழுக்­கா­டும் கணி­னிச்­சில்லு ஏற்­று­மதி 12 விழுக்­கா­டும் இறக்­கம் கண்­டன.

கடந்த செப்­டம்­ப­ரில் மின்­ன­ணுப் பொருள்­கள் தவிர்த்த எண்­ணெய் சாரா ஏற்­று­ம­தி­யும் மெது­வ­டைந்­துள்­ள­தைப் புள்­ளி­வி­வ­ரங்­கள் காட்டு­கின்­றன. ஆகஸ்ட் மாதத்­தில் 16.9 விழுக்­கா­டாக இருந்த அதன் வளர்ச்சி, செப்­டம்­ப­ரில் 7.6 விழுக்­காட்­டிற்கு இறங்­கி­யது.

மருந்­து­கள், அள­வீட்­டுக் கருவி­கள், பண­மாக்க முடி­யாத தங்­கம் ஆகி­யவை மின்­ன­ணுப் பொருள்­கள் தவிர்த்த எண்­ணெய் சாரா ஏற்­று­மதியின் வளர்ச்­சி­யில் முக்­கியப் பங்கு வகித்­தன.

மாதாந்­திர அடிப்­படை­யில் பார்க்­கும்­போது, தொடர்ந்து இரண்­டா­வது மாத­மாக எண்­ணெய் சாரா ஏற்­று­மதி சரி­வ­டைந்­தது. செப்­டம்­பரில் அது 4%, அதா­வது $16.5 பில்­லி­ய­னாக வீழ்ச்­சி­கண்­டது. முந்திய ஆகஸ்ட் மாதத்­தில் அது 3.9% இறக்­கம் கண்­டி­ருந்­தது.

ஆண்டு அடிப்­ப­டை­யில் பார்க்­கை­யில், கடந்த செப்­டம்­ப­ரில் ஒட்டு­மொத்த வணி­கம் 20.7% உயர்ந்து, $116.5 பில்­லி­ய­னா­கப் பதி­வா­னது.

இத­னி­டையே, வரும் மாதங்­களி­லும் எண்­ணெய் சாரா ஏற்­று­மதி சரி­வ­டை­ய­லாம் என்று மேபேங்க் பொரு­ளி­ய­லா­ளர்­கள் சுவா ஹன் பின்­னும் லீ யு யேயும் கணித்­துள்­ளனர்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!