மாணவர் முரசு
இ-பேப்பர்
சமூகத்துடன் சேர்ந்து வாழ்வற்கு ஏதுவாக குவின்ஸ்வே வட்டாரத்தில் கட்டப்படும் முதியோருக்கான 240 சமூகப் பராமரிப்பு அடுக்குமாடி வீடுகள் அடுத்த மாதம் விற்பனைக்கு வருகின்றன.
தேவைக்கு ஏற்ப கட்டி விற்கப்படும் திட்டத்தின் (பிடிஒ) ஒரு பகுதி யாக இந்த விற்பனை இடம்பெறுகிறது. முதியோர் வசிப்பதற்கு ஏற்ற பொது வீடமைப்புத் திட்டம் விற்கப் படுவது இது இரண்டாவது முறையாகும்.
இதற்கு முன் 2021 பிப்ரவரியில் புக்கிட் பாத்தோக்கில் இத்தகைய வீடுகள் விற்பனைக்கு வெளியிடப்பட்டன.
வீட்டின் வடிவமைப்பு பற்றி தெரிந்துகொள்ள விரும்புவோர் எச்டிபி ஹப்பில் இடம்பெற்றுள்ள கண்காட்சிக்குச் செல்லலாம்.
இன்று முதல் 2023ஆம் ஆண்டு மார்ச் மாதம் வரையில் இந்தக் கண்காட்சி நடைபெறும்.
இங்கு சமூகப் பராமரிப்பு வீடு களின் மாதிரிகள் வைக்கப்பட்டுள்ளன. 32 சதுர மீட்டர் பரப்பளவில் வீடு எப்படியிருக்கும் என்பதைக் காட்டும் மாதிரி வீடும் அங்கு அமைக்கப்பட்டுள்ளது.
குவின்ஸ்வே கேனபி (Canopy) தேவைக்கு ஏற்ப கட்டப்படும் மேம்பாட்டுத் திட்டத்தின் ஓர் அங்கமாக குவின்ஸ்வே பராமரிப்பு வீடுகள் கட்டப்படுகின்றன. மூவறை, நான்கறை வீடுகளையும் இந்தத் திட்டம் உள்ளடக்கியிருக்கிறது. புக்கிட் பாத்தோக் சமூகப் பராமரிப்பு புளோக்குகளைப் போன்றே இங்கும் இதர வகையான வீடுகள் கட்டப்படவில்லை.
2024ஆம் ஆண்டில் கட்டுமானத் திட்டம் நிறைவடையும் என எதிர்பார்க்கப்படுகிறது.
பல வகையான வீடுகள் ஒரே இடத்தில் கட்டுவது பல தலைமுறை களுக்கு இடையிலான பிணைப்பை ஊக்குவிக்கும் என்று தேசிய வளர்ச்சி மூத்த துணை அமைச்சர் டான் கியட் ஹாவ் நேற்று தெரிவித்தார். முன்னதாக கண்காட்சியை அவர் பார்வையிட்டார்.
சமூகப் பராமரிப்பு வீடுகள், குவின்ஸ்டவுன் சுகாதார வட்டாரத்துக்குள் இடம்பெற்று உள்ளதாக தேசிய வளர்ச்சி அமைச்சு, சுகாதார அமைச்சு, வீடமைப்பு வளர்ச்சிக் கழகம் ஆகியவற்றின் கூட்டு அறிக்கை தெரி வித்தது. குடியிருப்பாளர்கள் ஆரோக்கியமான வாழ்க்கையைப் பின்பற்றுவதை திட்டம் ஆதரவளிக்கிறது.
மேலும் அலெக்சாண்டிரா மருத்துவமனைக்கு அருகாமையில் இந்த வீடுகள் இருப்பதால் சுகாதாரப் பராமரிப்பு, மருத்துவ தேவை களை குடியிருப்பாளர்கள் எளிதில் அணுக முடியும் என்றும் அறிக்கை குறிப்பிட்டது.
சக்கர நாற்காலி நடமாட்டத்துக்கு எளிதாக இருக்கும் வகையில் வீடுகளில் வசதிகள் செய்யப் பட்டுள்ளன. 24 மணி நேரமும் அவசரக் கண்காணிப்பு, அடிப்படை சுகாதாரப் பரிசோதனை போன்ற சேவைகளும் இங்கு வழங்கப்படுகின்றன. இந்த அடிப்படை சேவை களுக்கு சந்தா கட்டணம் ஆண்டுக்கு $2,000.
