பாட்டியால் பிறந்த வடிவமைப்புத் திறன்

தன்­னு­டைய 90 வயது பாட்டி மீது அதிக பாசம் கொண்­டுள்ள லத்­திகா பால­சந்­தர், 23, ஒரு முறை பாட்­டி­யு­டன் பேசிக்­கொண்­டி­ருந்­த­போது, அவ­ரு­டைய தோலைக் கவ­னித்­தார். பாட்­டி­யின் தோலைச் செல்­ல­மாக வருடி விளை­யா­டிய லத்­திகா, அந்­தத் தோலையே மையப்­ப­டுத்தி ஆடை ஒன்றை வடி­வ­மைக்­கத் தொடங்­கி­னார்.

சிங்­கப்­பூ­ரில் அண்­மை­யில் நடந்­தே­றிய 'எஸ்ஜிஃபேஷன்நவ்2022' (SGFASHIONNOW 2022) எனும் கண்­காட்­சி­யில், 'பிளர்ட் போடிஸ்' (Blurred Bodies) எனப் பெய­ரி­டப்­பட்ட அந்த ஆடை வைக்­கப்­பட்­டது.

சென்­னை­யில் பிறந்த லத்­திகா, தந்­தை­யின் வேலை கார­ண­மாக மும்­பை­யில் சில காலம் இருந்­தார். அங்கு 'காட்­சிக் கலை­கள்' பாடத்­தைக் கற்­ற­போது ஆடை அலங்காரம் மீது அவருக்கு நாட்­டம் ஏற்­பட்­டது.

ஆடை அலங்காரத் துறை­யில் கால்­ப­திக்க வேண்­டு­மென்ற வேட்­கை­யில் அவர் இளங்­க­லைப் படிப்­புக்கு ஆடைத் தொழில்­து­றையை தேர்ந்­தெ­டுத்­தார். ஆடை அலங்கா ரத் துறை­யில் பட்­டப்­படிப்பை பயில்­வதற்கு லாசால் கலைக் கல்­லூரியே சிறந்­தது என முடி­வெ­டுத்து 2017ல் இங்கு வந்­தார். கல்­லூ­ரி­யின் இரண்­டாம் ஆண்­டில் கற்­றல் பய­ணத்­திற்­காக இந்­தோ­னீ­சி­யா­வின் பாலி தீவிற்­குச் சென்­ற­போது ஆடைத் தயா­ரிப்பு தொடர்­பான பல நுணுக்­கங்­களைக் கற்­றுக்­கொண்­டார்.

அது­வரை ஃபேஷன் என்­றால் இப்­ப­டித்­தான் இருக்­கும், பெண் ஆடை வடி­வ­மைப்­பா­ளர்­கள் பெண்­களுக்கு மட்­டுமே ஆடை தயா­ரிக்க வேண்­டும் என நினைத்­தி­ருந்த லத்­தி­கா­வுக்கு அந்­தப் பய­ணம் விழிப்­பு­ணர்வை ஏற்­ப­டுத்­தி­யது.

சிங்­கப்­பூர் திரும்­பி­ய­தும் லத்­தி­கா­வின் இறுதி ஆண்டு ஒப்­ப­டைப்­பைச் சமர்ப்­பிக்­கும் தேதி நெருங்­கிக்­கொண்­டி­ருந்­தது. பட்­டம் பெறு­வ­தற்­கான ஒப்­ப­டைப்­பாக அதைக் கரு­தா­மல், தன்­னைப் பிர­தி­ப­லிக்­கும் ஒரு தனித்­து­வ­மான ஆடை­யாக அது இருக்­க­வேண்­டு­மென்று முடி­வெ­டுத்­தார். அப்­பொ­ழு­து­தான் அவர் விடு­மு­றைக்­காக இந்­தியா செல்­லும் வாய்ப்பு அமைந்­தது.

வய­தா­னா­லும் மனி­தர்­க­ளுக்­கிடையே வேறு­பாடு இல்லை என்­றும் நமது உடல் ஒரே வித­மா­கத்­தான் செயல்­ப­டு­கிறது என்­றும் கரு­திய லத்­திகா, பாட்­டி­யு­டன் கொண்­டி­ருந்த பிணைப்பை அடிப்­படை­யா­கக் கொண்டு ஆடை தயா­ரித்­தார்.

ஆண்­டு­தோ­றும் நடை­பெ­றும் 'மென்'ஸ் ஃபோலியோ டிசை­னர் ஆஃப் த இயர்' விரு­துக்கு (Men's Folio Designer Of The Year Award) லத்­திகா பதிவு செய்­தார். அதில் 2020ஆம் ஆண்டு விரு­து­பெற்ற லத்­திகா, "என் படைப்­பின் மீது எனக்கு அதிக நம்­பிக்கை இருந்­தது. என் உணர்­வு­களை ஒன்­றி­ணைத்து வடி­வ­மைக்­கப்­பட்ட இந்த ஆடைக்கு இந்த விருது சமர்ப்­ப­ணம்," என்­றார்.

லத்­தி­கா­வின் பெற்­றோர் நாள­டை­வில் தங்­கள் மக­ளின் ஆற்­றலை உணர்ந்து அவ­ருக்கு ஊக்­க­ம­ளித்­த­னர். பேத்தி லத்­திகா அன்­றொரு நாள் தன் தோலைத் தொட்டு விளை­யா­டி­ய­தற்கு இது­தான் கார­ணமா என்று நகைத்­த­வாறு பேத்­தி­யின் திற­மை­யைக் கண்டு வியக்­கி­றார் லத்­தி­கா­வின் பாட்டி.

தற்­போது, அமெ­ரிக்­கா­வில் ரோட் தீவி­லுள்ள வடி­வ­மைப்­புப் பள்­ளி­யில் நுண்­க­லைத் துறை­யில் முது­கலை பட்­டம் பயி­லும் லத்­திகா, கண்­காட்­சி­யில் வைக்­கப்­பட்ட தனது ஆடை வடி­வ­மைப்­புக்கு நல்ல வர­வேற்பு கிடைத்­துள்­ள­தா­கக் கூறி­னார்.

"ஆடை அலங்காரம் என்­பது ஒரு­வர் தன்­னையே அறிந்­து­கொள்­ளும் ஒன்று. வெறும் உடலை மறைக்­கும் துணி என்­றில்­லா­மல் ஓர் ஆடையை நாம் ஏன் அணி­கி­றோம், அதன் மூலம் நாம் சமு­தா­யத்­திற்கு என்ன கூற விரும்­பு­கி­றோம் என்­பதே என்­னைப் பொறுத்­த­வரை ஆடை அலங்காரம்," என்று கூறி­னார் இளை­யர் லத்­திகா.

செய்தி: அனுஷா செல்­வ­மணி

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!